Գյուլենը դատական հայց է ներկայացրել ընդդեմ Էրդողանի

Իրավական08:01, 04 Փետրվար 2014

Գյուլենը դատական հայց է ներկայացրել ընդդեմ Էրդողանի

Գյուլենական շարժման առաջնորդ, հեղինակավոր իսլամական գործիչ Ֆեթուլլահ Գյուլենը դատի է տվել Թուրքիայի վարչապետ Ռեջեփ Թայիփ Էրդողանին:

Թուրքական «Դունյա բուլթենի» լրատվական կայքի փոխանցմամբ՝ Գյուլենի փաստաբան Նուրուլլահ Ալբայրաքը դատական մինջնորդագիր է ներկայացրել Անկարայի քաղաքացիական դատարան: Դատական միջնորդագրում նշվում է, որ դեկտեմբերի 17-ին և 25-ին հակակոռուպցիոն օպերացիայից հետո սկսված հետաքննության շրջանակներում որոշ նախարարներ և բարձրաստիճան պետական պաշտոնյաններ են ձերբակալվել և հարցաքննության հրավիրվել: Ըստ փաստաբանի ներկայացրած միջնորդագրի՝ օրենքով նախատեսված այդ գործողություններից հետո վարչապետը սկսել է ագրեսիվ, վիրավորական, մարդկանց ատելության և թշնամության հրահրող արտահայտություններով վիրավորել Գյուլենին և նրա հետևորդներին:

Գյուլենի փաստաբանը պահանջում է իր պաշտպանյալի անձի իրավունքները ոտնահարելու համար պատժել 100 000 թուրքական լիրա տուգանքով, ինչպես նաև պատասխանող կողմին պարտադրել կատրել դատական ծախսերը:

ԱՄՆ-ում բնակվող Գյուլենի ստեղծած շարժումը Թուրքիայում և Թուրքիայից դուրս հիմնել է բազմաթիվ դպրոցներ, համալսարաններ: Գյուլենի կրոնական համայնքին են պատկանում բազմաթիվ հիմնադրամներ, միություններ, լրատվամիջոցներ, հիվանդանոցներ, բիզնես կառույցներ և բանկեր: Գյուլենի շարժման անդամները կարևոր պաշտոններ են զբաղեցնում Թուրքիայի գրեթե բոլոր գերատեսչություններում:

Գյուլենը և նրա համայնքը մեղադրվում են «մեծ կաշառք» օպերացիան կազմակերպելու մեջ: Շատերի կարծիքով այդ օպերացիան գյուլենականների պատասխանն էր Էրդողանի «Արդարություն և զարգացում» կուսակցության՝ գյուլենական մասնավոր դպրոցները փակելու նախաձեռնությանը։

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։