Էրդողանը պաշտոնական այցով գտնվում է Գերմանիայում

Միջազգային15:46, 04 Փետրվար 2014

Էրդողանը պաշտոնական այցով գտնվում է Գերմանիայում

Թուրրքիայի վարչապետ Ռեջեփ Թայիփ Էրդողանը Գերմանիայի կանցլեր Անգելա Մերկելի հրավերով երկօրյա պաշտոնական այցով գտնվում է Գերմանիայում: Վերջինս այսօր Բեռլինում հանդիպում է ունեցել Մերկելի հետ: Հանդիպումից հետո տեղի է ունեցել համատեղ մամուլի ասուլիս, որտեղ Էրդողանն ու Մերկելը խոսել են այն թեմաների մասին, որոնք քննարկել են հանդիպման ժամանակ:

Մերկելն իր ելույթում հայտարարել է, որ Գերմանիայում ապրող Թուրքիայի քաղաքացիները առաջիկայում Թուրքիայում տեղի ունենալիք նախագահական ընտրությունների ժամանակ այնտեղից քվերկելու հնարավորություն կունենան: Մերկելը գոհունակություն է հայտնել Սիրիայի հարցում Թուրքիայի ունեցած զգալի դերակատարության համար՝ նկատի ունենալով նաև 700 սիրիացի փախստականների` Թուրքիայում ապաստան գտնելու հանգամանքը:

Էրդողանը Մերկելի հետ իր քննարկած թեմաներից առանձնացրել է նախ Գերմանիայում բնակվող բավական ստվար թուրքական համայնքի խնդիրների մասին քննարկումները, ապա Սիրիայի հարցում իրենց ունեցած տեսակետների փոխանակումը, որոնք, ըստ նրա, մեծապես համընկնում են, մանավանդ՝ Ժնևի համաժողովների առաջընթաց չապահովելու մասով: Էրդողանը շնորհակալություն է հայտնել Գերմանիային Թուրքիայի եվրաինտեգրմանն աջակցելու համար, նաև խնդրել Գերմանիայի աջակցությունը վիզաների ռեժիմի ազատականացման հարցում:

Ermenihaber.am