Թուրքաբնակ ադրբեջանցի բլոգերը արտաքսվել է երկրից`թվիթերյան հրապարակումների համար

Իրավական09:10, 07 Փետրվար 2014

Թուրքաբնակ ադրբեջանցի բլոգերը արտաքսվել է երկրից`թվիթերյան հրապարակումների համար

Թուրքիայի կառավարությունը որոշում է կայացրել երկրից արտաքսել ադրբեջանցի բլոգեր, «Todays Zaman» թերթի թղթակից Մահիր Զեյնալովին` Twitter-ում կատարած հրապարակումների պատճառով»,-գրում է թուրքական «Զաման» թերթը:

Ըստ աղբյուրի` Զեյանլովը մեղադրել է Էրդողանին` Ալ Քաիդայի հետ կապ ունենալու մեջ: Ադրբեջանցի լրագրողը Twitter միկրոբլոգում կատարել է հետևյալ գրառումը.

«Թուրք դատախազները հանձնարարել են ոստիկանությանը ձերբակալել Ալ Քաիդայի հետ կապ ունեցող անձանց: Էրդողանի նշանակած ոստիկանապետները չեն ենթակվել այս հրահանգին»:

«Today’s Zaman»-ի տեղեկություններով` թվիթերյան նշյալ գրառումից հետո կառավարությանն իրազեկել են, որ @mahirzeynalov օգտատերը «պետության և կառավարության ղեկավարների հանդեպ իրականությանը չհամապատասպանող տեղեկություններ է հրապարակում»: Այնուհետև անվտանգության վարչությունը հետախուզությանը հանձնարարել է գտնել, թե ում է պատկանում վերոնշյալ թվիթերյան հաշիվը, ինչից հետո վարչապետ Էրդողանը հայց է ներկայացրել Զեյնալովի դեմ` « իր անձը վիրավորելու, նսեմացնելու, ինչպես նաև հասարակական ատելություն և թշնամություն սերմանելու մեղադրանքով»: Մահիր Զեյնալովը կանչվել է հարցաքննության: Նա իր տված ցուցմունքոմ նշել է, որ իր գրառումները հիմնված են մամուլի հրապարակումների վրա:

Այսպիսով Թուրքիայի Ներքին գործերի նախարարության զնվտանգության գլխավոր վարչության պետի տեղակալ Ալի Բաշթյուրքը նախարարի անունից ստորագրել է «երկրի ղեկավարների դեմ «tweet» անելու համար» Զեյնալովին արտաքսելու և հետագայում Թուրքիա մուտք գործելու վրա արգելք սահմանելու մասին որոշումը:

Զեյլանովը 4 տարի է, ինչ ապրում էր Թուրքիայում, իսկ 15 ամիս առաջ ամուսնացել է թրքուհու հետ և կեցության իրավունք ստացել:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։