Հասարակական08:21, 12 Փետրվար 2014
Թուրքիայի գրաքննիչ վարչապետի ծաղրանկարը
Թուրքիայի վարչապետ Ռեջեփ Թայիփ Էրդողանը խոստովանել է, որ 2013-ին Թուրքիան
ցնցած Գեզիի հակակառավարական ցույցերի ժամանակ Մարրոկոյից զանգահարել է
«ՀաբերԹուրք» հեռուստատեսություն և հրահանգել եթերից հեռացնել ընդդիմադիր առաջնորդ
Դևլեթ Բահչելիի մասին լրատվությունը (վազող տող):
«Այո, ես զանգահարել եմ, քանի որ վազող տողերում մեզ հասցեագրված վիրավորանքներ կային: Հետները (ՀաբերԹուրք) խոսեցի և նրանք արեցին այն, ինչ հարկավոր էր: Պատահել է, որ ես կամ իմ ընկերները հրապարակված վիրավորանքների կապակցությամբ ձեր թերթին էլ ենք դիմել»,- պատասխանել է Թուրքիայի կառավարության ղեկավարը:
Հիշեցնենք, որ օրերս ընդդիմադիր «Ազգայնական շարժում» կուսակցության (ԱՇԿ-MHP) պատգամավոր Յուսուֆ Հալաչօղլուն խորհրդարանում հնչեցրել էր Էրդողանի վերոնշյալ զանգի ձայնագրությունը և վարչապետին մեղադրել գրաքննության մեջ:
Թուրքական «Ջումհուրիյեթ» օրաթերթի հայտնի ծաղրանկարիչ Մուսա Քարթն անդրադարձել է երկրում մեծ աղմուկ հանած այդ հեռախոսազանգի ու մամուլի գրաքննության թեմային: Իր ծաղրանկարի հերոս է դարձրել Թուրքիայի վարչապետին և հեռուստատեսային լրատվությանը:
Հեռուստացույցի էկրանին լուրերի փոխարեն պատկերված է հետևյալ գրությունը. «Ես բան չգիտեմ, իմ մեծավորը կիմանա»: Իսկ բազկաթոռին թիկնած Էրդողանը հեռախոսով հրահանգներ է տալիս լրատվամիջոցի ներկայացուցչին` ասելով «Ալո, Ֆաթիհ, շատ լավ հիմա լավ է»:
Ermenihaber.am
Այս ենթաբաժնի վերջին նորությունները
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Ստամբուլում մեկնարկած «Ոճիր և պատիժ ֆիլմի 14-րդ միջազգային փառատոնի» շրջանակներում 60 ֆիլմ է ցուցադրվել, որից միայն մեկն է եղել քրդերեն:
Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրակարգում են եղել երկկողմ, տարածաշրջանային և համաշխարհային նշանակության հարցեր։
Թուրք լրագրող Ֆեհմի Քորուն իր հոդվածում անդրադարձել է իշխանական ԱՇԿ-ի առաջնորդի՝ Աբդուլլահ Օջալանի մասին հայտարարությանը։
Թուրքիայի նախագահն անդրադարձել է Իսրայելի վարչապետ Բենյամին Նեթայահուի և նախկին ՊՆ ղեկավար Յոավ Գալանտի ձերբակալման որոշմանը:
Ըստ Ալփարսլան Բայրաքթարի՝ նման պատժամիջոցները կարող են դժվարացնել Թուրքիայի համար գազի գնումը։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |