Թուրքիայի Սահմանադրական դատարանը քննել է Դինքի գործով ներկայացված հայցը

Իրավական11:08, 21 Փետրվար 2014

Թուրքիայի Սահմանադրական դատարանը քննել է Դինքի գործով ներկայացված հայցը

Թուրքիայի Սահմանադրական դատարանը քննության է ռել պոլսահայ անվանի գործիչ, Ստամբուլի «Ակոս» շաբաթաթերթի սպանված խմբագրապետ Հրանտ Դինքի գործով հայցը: Ավելի վաղ Դինքի ընտանիքը Հրանտի այրու` Ռաքել Դինքի, եղբոր` Օրհան Դինքի, զավակներ Դելալի, Արատի և Սերայի անունից հայց էր ներկայացրել Սահմանադրական դատարան: Վերջինս, քննելով ներկայացված հայցը, անբավարար է համարել որոշ տեղեկություններ ու փաստաթղթեր և դրանք համապատասխան մարմիններից պահանջելու մասին որոշում կայացրել: Դրանք ստանալուց հետո միայն Սահմանադրական դատարանը վճիռ կկայացնի Դինքի գործով:

Իրենց հայցում Դինքի ընտանիքի անդամները տեղեկացրել էին, որ Դինքի սպանության գործով չի իրականացվել արդյունավետ հետաքննություն, իսկ կատարված հետաքննության մասին իրենց տեղեկություններ չի հաղորդվել: Ընտանիքը նաև իր դժգոհությունն է հայտնել այն մասով, որ հանցագործության մասին նախապես իրազեկված պետծառայողների նկատմամբ ևս ամբողջական հետաքննություն չի կատարվել: Դինքի ընտանիքը որպես բարոյական փոխհատուցում պահանջում է 500.000 լիրա:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։