Թուրք դատախազը փաստում է, որ գաղտնալսվող անձանց թիվը հասել է 2.280-ի

Իրավական09:58, 26 Փետրվար 2014

Թուրք դատախազը փաստում է, որ գաղտնալսվող անձանց թիվը հասել է 2.280-ի

Ստամբուլի հանրապետական գլխավոր դատախազ Հադի Սալիհօղլուն գաղտնալսումների հետ կապված գրավոր հայտարարությամբ է հանդես եկել: Նախօրեին «Սթար» պարբերականը լուր էր տարածել, թե գյուլենականներն իրականացրել են ավելի քան 7.000 մարդու հեռախոսազրույցների գաղտնալսում:

Դատախազը տեղեկացրել է, որ անձնական գործի (դոսյե) շրջանակներում ուղղակիորեն կամ անուղղակիորեն գաղտնալսվել կամ ձայնագրվել են Թուրքայի 2.280 քաղաքացների զրույցներ: Սալիհօղլուն չի բացառել, որ նշյալ թիվը դեռ կարող է աճել, քանի որ ոստիկանության տեռորիզմի դեմ պայքարի բաժնի աշխատակիցները դեռ շարունեում են պարզել և բացահայտել կատարվածը:

Նշենք, որ գաղտնալսումների թեման օրակարգ մտավ «Մեծ կաշառք» հակակոռուպցիոն օպերացիայից հետո, մանավանդ Թուրքիայի վարչապետ Ռեջեփ Թայիփ Էրդողանի և իսլամական շարժման առաջնորդ Ֆեթուլլահ Գյուլինի բացահայտ առճակատման համատեքստում: Փետրվարի 24-ին էլ համացանցում հայտնվեց Էրդողանի և նրա որդու 2013-ի դեկտմեբերի 17-ի մի քանի հեռախոսազրույցների ձայնագրությունները, որոնց միջոցով Էրդողանը որդուն հրահանգում է տնից հանել փողերն ու այլ տեղում թաքցնել: Թուրքիայում այժմ քննարկվում է նշյալ ձայնագրությունների մոնտաժված լինել-չլինելու հարցը, իսկ ընդդիմությունը պնդում է, որ Էրդողանի հրաժարական տալու ժամանակը եկել է:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։