Պոլսահայ գրող Սևան Նիշանյանին խստացված ռեժիմով գաղութ են տեղափոխել

Հասարակական08:06, 27 Փետրվար 2014

Պոլսահայ գրող Սևան Նիշանյանին խստացված ռեժիմով գաղութ են տեղափոխել

Պոլսահայ գրող, լեզվաբան Սևան Նիշանյանը «Թորբալը» բանտից տեղափոխվել է «Բուջա» խստացված ռեժիմով գաղութ:

Թուրքական «Դեմոկրատ հաբեր» լրատվական կայքի հոդվածագիր Հրանտ Գասպարյանը անդրադարձել է Նիշանյանի տեղափոխության հարցին: Նա նշել է , որ Նիշանյանը բանտապահին մեղադրել է գողության մեջ: Այդ առնչությամբ հետաքննություն է սկսվել, որից հետո Նիշանյանին տեղափոխել են խիստցված ռեժիմով գաղութ: Կայքը նշում է, որ այդ որոշումը Նիշանյանին պատժելու նպատակ է հետապնդում:

Այս որոշումը դժգոհություն է առաջացրել թուրք մտավորականների շրջանում: Ալի Նեսինը Նիշանյանի տեղափոխության մասին որոշումը նույնպես կապում է բանտապահի կողմից գողության փաստի բացահայտման հետ: Նեսինը «Facebook» սոցիալական կայքում էջ է բացել, որտեղ պահանջում է անմիջապես վերջ դնել Նիշանյանի խոսքի, արտահայտվելու, աշխատելու և ուսումնասիրություններ կատարելու ազատությանը խոչընդոտող սահմանափակումներին և ճնշումներին:

Իսկ գրող Սաիթ Չեթինօղլուն, իր մտահոգությունը հայտնելով Նիշանյանի կալանքի խստացման առնչությամբ, ընդգծել է, որ պետությունը, չնայած երկրում տիրող խառանշփոթին, չի մոռանում Սևան Նիշանյանի մասին և արդեն նրան աքսորել է ավելի խիստ ռեժիմով բանտ:

Կայքի փոխանցմամբ՝ Նիշանյանը փետրվարի 19-ին լրագրող Հասան Ջեմալին ուղղված նամակում հայտնել էր, որ բանտում իր նկատմամբ խտրական վերաբերմունք են ցուցաբերում:

Ermenihaber.am

Այս ենթաբաժնի վերջին նորությունները

16:56, 06 մարտ

Կանայք կազմում են Թուրքիայի բնակչության գրեթե կեսը

Չնայած Թուրքիայում կանանց կրթության և աշխատուժի մասնակցության ցուցանիշների առաջընթացին՝ տղամարդկանց և կանանց միջև զգալի անհավասարություն դեռևս պահպանվում է:

12:14, 06 մարտ

Կիբերանվտանգության օրենքի նախագիծը Թուրքիայի խորհրդարանում է

Թուրքիայի ազգային ժողովի ընդհանուր նիստում ընդունվել է կիբերանվտանգության մասին օրենքի առաջարկի 13-րդ հոդվածը։

11:24, 06 մարտ

Թուրքիայի օրակարգային հարցերն են՝ տնտեսությունը և օրենքի գերակայությունը

Թուրքական «Aksoy» հետազոտական ընկերությունը մարտի սկզբին հետազոտություն է անցկացրել և հրապարակել, թե որոնք են Թուրքիայի ամենակարևոր օրակարագային հացերը։