Թուրքիայում առաջին անգամ մասնավոր հեռուստաալիքով կցուցադրվի հայերեն երգ (տեսանյութ)

Մշակութային11:41, 28 Փետրվար 2014

Թուրքիայում առաջին անգամ մասնավոր հեռուստաալիքով կցուցադրվի հայերեն երգ (տեսանյութ)

Ստամբուլահայ երգչուհի Էրլին Թոմաօղլուի «Ձյունի փաթիլ» կոչվող հայալեզու տեսահոլովակը այսօր կցուցադրվի թուրքական մասնավոր «Kral Tv» հեռուստաալիքով:

Երգչուհին «Ermenihaber.am»-ի հետ զրույցում ասաց, որ առաջին անգամ է, որ թուրքական մասնավոր հեռուստաալիքով հայկական երգ է ցուցադրվում:

««Ձյունի փաթիլը» ավելի վաղ պետական «TRT» հեռուստաալիքով էլ էր ցուցադրվել: Սակայն այս անգամ ցուցադրվում է մասնավոր հեռուստաալիքով և դա շատ կարևոր է: Սա թուրքական իրականության մեջ առաջին դեպքն է, երբ հայերեն երգը հայտվում է մասնավոր հեռուստաալիքի եթերում»,-ասաց երգչուհին:

Նշենք, որ նախորդ տարի Ստամբուլում թողարկվել է հայազգի երգչուհու «Տարիներ վերջ» ձայնասկավառակը, որում տեղ գտած երգերն արևմտահայերենով են: Ձայնասկավառակումզետեղված 10 երգի խոսքերի ու երաժշտության հեղինակը հենց ինքը` Էրլինն է: Նա ծնվել ու մեծացել է Ստամբուլում: Այժմ, որպես երաժշտության ուսուցչուհի, աշխատում է Ստամբուլի Գալֆայան հայկական մասնավոր նախակրթարանում:

Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։