Սևան Նիշանյանին համամատաբար լավ պայմաններ ունեցող բանտ են տեղափոխել

Հասարակական08:57, 07 Մարտ 2014

Սևան Նիշանյանին համամատաբար լավ պայմաններ ունեցող բանտ են տեղափոխել

Հունվարի 2-ից Թորբալը բանտում գտնվող պոլսահայ գրող, լեզվաբան Սևան Նիշանյանին, ով Շիրինջեում ապօրինի շինարարություն անելու մեղադրանքով դատապարտվել էր 2 տարվա բանտարկության, կրկին այլ բանտ են տեղափոխել:

Ըստ թուրքական «Ռադիքալ» թերթի՝ Նիշանյանը բանտից ևս շարունակել է գրել և «Twitter» միկրոբլոգում իր էջում գրառում էր կատարել. «Բանտային կյանքի հիմնական օրենքն է. եթե դու չկծես, քեզ կկծեն: Ամբողջ համակարգը սրա վրա է հիմնված: Թուրքիայի Հանրապետություն կոչվող այլասերված երկրի էությունն արդյո՞ք սա չէ»:

Թերթը նշում է, որ Նիշանյանի այս գրառումից հետո նրան տեղափոխել էին Բուջա խստացված ռեժիմով գաղութ, որտեղ ստիպված է եղել բետոնածածկ հատակին քնել, քանի որ նրա բանտախցում անգամ մահճակալ չի եղել: Իսկ երբ այդ հանգամանքը հայտնի է դարձել հանրությանը, նրան տեղափոխել են Ալիաղա գաղութ: Պրոֆեսոր Ալի Նեսինը տեղեկացրել է, որ այս բանտը համեմատաբար ավելի լավ պայմաններ ունի:

Նիշանյանի փաստաբանն էլ հայտնել է, որ Թորբալը բանտի կողմից իր ծառայակցին վիրավորելու և սպառնալու մեղադրանքով Նիշանյանի դեմ դատարան ներկայացված հայցի առաջին նիստը տեղի կունենա մարտի 27-ին: Դատարանի որոշումից պարզ կդառնա, թե որքան ժամանակ Նիշանյանը կմնա խստացված ռեժիմով բանտում:

Տեղեկացնենք, որ Սևան Նիշանյանին խստացված ռեժիմով բանտ տեղափոխելու համար պատճառ է եղել նաև այն, որ նա բացահայտել էր բանտապահներից մեկի կողմից իր պլաստիկ քարտը գողանալու փաստը:

Ermenihaber.am

Այս ենթաբաժնի վերջին նորությունները

16:56, 06 մարտ

Կանայք կազմում են Թուրքիայի բնակչության գրեթե կեսը

Չնայած Թուրքիայում կանանց կրթության և աշխատուժի մասնակցության ցուցանիշների առաջընթացին՝ տղամարդկանց և կանանց միջև զգալի անհավասարություն դեռևս պահպանվում է:

12:14, 06 մարտ

Կիբերանվտանգության օրենքի նախագիծը Թուրքիայի խորհրդարանում է

Թուրքիայի ազգային ժողովի ընդհանուր նիստում ընդունվել է կիբերանվտանգության մասին օրենքի առաջարկի 13-րդ հոդվածը։

11:24, 06 մարտ

Թուրքիայի օրակարգային հարցերն են՝ տնտեսությունը և օրենքի գերակայությունը

Թուրքական «Aksoy» հետազոտական ընկերությունը մարտի սկզբին հետազոտություն է անցկացրել և հրապարակել, թե որոնք են Թուրքիայի ամենակարևոր օրակարագային հացերը։