Դինքի սպանության կազմակերպման մեջ մեղադրվող Էրհան Թունջելը ազատ է արձակվել

Իրավական13:24, 07 Մարտ 2014

Դինքի սպանության կազմակերպման մեջ մեղադրվող Էրհան Թունջելը ազատ է արձակվել

Ստամբուլում հրատարակվող «Ակոս» շաբաթաթերթի հիմնադիր-խմբագրապետ Հրանտ Դինքի սպանության գործով կասկածյալ Էրհան Թունջելը ազատ է արձակվել:
Ըստ թուրքական «Զաման» թերթի` Թուրքիայի Քրեական օրենսգրքում կատարված փոփոխության համաձայն կալանավորման ժամկետը նախկին 10 տարվա փոխարեն, ներկայումս կարող է ձգվել 5 տարի: Իսկ Թունջելի դեպքում այդ ժամկետը լրացել է, և նա այլևս չի կարող կալանավորված մնալ:

Նշենք , Դինքի սպանության կազմակերպան մեջ մեղադրվող «Մեծ եղբայր» մականունով հայտնի Էրհան Թունջելն առաջին անգամ կալանավորվել էր 2007 թ. հունվարի 26-ին: Ձգձգված դատավարություններից հետո` 2012 թ. հունվարի 17-ին դատարանը որոշում էր կայացրել, որ Դինքի դատավարությունում կազմակերպված հանցախումբ չկա, և ազատ էր արձակել: Սակայն Վերաքննիչ դատարանի կողմից Դինքի դատավարության վերսկսման որոշումից հետո Ստամբուլի 14-րդ ծանր հանցագործությունների դատարանը 2013 թվականի սեպտեմբեր 23-ին Թունջելի վերաբերյալ ձերբակալման որոշում էր կայացրել:

Հրանտ Դինքը սպանվել է 2007 թ-ի հունվարի 19-ին «Ակոս» թերթի խմբագրատան առջև:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։