Էրդողանն ու Մերկելը քննարկել են Ղրիմի հարցը

Միջազգային08:30, 10 Մարտ 2014

Էրդողանն ու Մերկելը քննարկել են Ղրիմի հարցը

Թուրքիայի վարչապետ Ռեջեփ Թայիփ Էրդողանը հեռախոսազրույց է ունեցել Գերմանիայի կանցլեր Անգելա Մերկելի հետ:
Թուրքական «Գազեթե 5» կայքի փոխանցմամբ՝ երկու երկրների ղեկավարները քննարկել են Ուկրաինայում և մասնավորապես Ղրիմում տիրող իրավիճակը:

Ե՛վ Էրդողանը, և՛ Մերկելը Ուկրաինայի տարածքային ամբողջականության պահպանման, Ղրիմում ռազմական բախումների հավանականության վերացման անհրաժեշտության հարցում համակարծիք են եղել:
Երկու ղեկավարները ռազմական բախումների հավանականության առումով բավականին վտանգավոր են համարել մարտի 16-ին Ղրիմում նախատեսվող հանրաքվեն՝ այն որակելով որպես անօրինական:

Նշվում է, որ Էրդողան-Մերկել հեռախոսազրույցի ժամանակ Ուկրաինայում առկա խնդիրները հաղթահարելու համար կարևորվել է միջազգային իրավունքի համաձայն երկողմանի և բազմակողմանի համաձայանգրերի շրջանակներում ստանձնած պարտավորվածություններին համապատասխան քայլեր ձեռնարկելը, ինչպես նաև ուսումնասիրությունների համար միջազգային հանձանժողով ստեղծելու անհրաժեշտությունը:

Հաշվի առնելով խնդրի լրջությունը՝ Էրդողանը և Մերկելը համաձայնության են եկել, որպեսզի ՄԱԿ-ի Անվտանգության խորհուրդը, ԵԱՀԿ նախարարների խորհուրդը և Եվրոպայի խորհրդի նախարարների հանձնաժողովը հնարավորինս կարճ ժամկետում հարցը քննության առնեն:
Էրդողանը, ընդգծելով,որ Թուրքիան բարեկամական հարաբերություններ ունի ինչպես Ուկրաինայի, այնպես էլ Ռուսաստանի հետ, ինչպես նաև Ղրիմի թաթարների հետ առանձնակի հարաբերություններ ունի, հայտնել է, որ իր երկիրը պատրաստ է ներդրում ունենալ միջազգային խմբի աշխատանքներում:

Ermenihaber.am