ԵԽ զեկույց. թուրքական կառավարությունը հեռացել է ժողովրդավարության սկզբունքներից

Միջազգային08:26, 13 Մարտ 2014

ԵԽ զեկույց. թուրքական կառավարությունը հեռացել է ժողովրդավարության սկզբունքներից

Եվրախորհրդարանը 475 կողմ և 153 դեմ ձայնով ընդունել է Թուրքիայի մասին 2013 թվականի զեկույցը:

Զեկույցն ուշադրություն է հրավիրում մասնավորապես հակակորռուպցիոն օպերացիայի հետագա զարգացումների, դատաիրավական համակարգի մասին օրենքում փոփոխությունների, համացանցի մասին օրենքի և Գեզի զբոսայգու շուրջ ծավալված դեպքերի վրա:

Եվրախորհրդարանի կողմից ընդունված զեկույցն ընդգծում է, որ Թուրքիան հեռացել է կոպենհագենյան չափանիշներից,իսկ թուրքական կառավարությունը՝ ժողովրդավարության սկզբունքներից:

Զեկույցն առանձին-առանձին անդրադառնալով վերոնշյալ խնդիրներին նշել է, որ Թուրքիայի վերնախավի՝ կոռուպցիայի մեջ ներգրավված լինելու մասին պնդումները մտահոգիչ են: Զեկույցի բնորոշմամբ կոռուպցիայի գործով հետաքննությունը վարող դատախազների և ոստիկանության աշխատակիցների պաշտոնանկությունը հիասթափեցնող է:

Այս իրավիճակը դեմ է դատական համակարգի անկախության սկզբունքին և ստվեր է գցում հետաքննության հեղինակությանը վրա: ԵԽ-ն հիշեցրել է, որ թուրքական կառավարությունը պարտավորություն է ստանձնել իրականացնել Թուրքիայի հարցում GRECO-ի կայացրած որոշումները: GRECO –ն Եվրախորհրդի կոռուպցիայի դեմ պայքարի կառույցն է:

Նշվում է, որ դատաիրավական համակարգի մասին օրենքում փոփոխությունները դեմ են դատական համակարգի անխակության սկզբունքին: Եվրախորհրդարանը պահանջել է վերանայել օրենքը, հիմք ընդունելով եվրապական չափնիշները, և կոչ արել այդ հարցում համագործակցել Եվրախորհրդի վենետիկյան հանձնախմբի հետ:

Զեկույցի գնահատականներով վերջերս Թուրքիայում ընդունված համացանցի մասին օրենքը նախատեսում է ծայրաստիճան վերահսկողություն, ինչը նույնպես մտահոգիչ է: Եվրախորհրդարանը Թուրքիայի կառավարությունից պահանջել է երաշխավորել հասարակական ծառայություններ մատուցող լրատվադաշտի անկախությունը՝ Եվրոպայի չափանիշներին համաձայն:

Թուրքիայի մասին զեկույցի քննարկումնների ժամանակ ելույթ են ունեցել խորհրդարանի պատգամավորները, որոնք Թուրքիայի հասցեին բավականին խիստ քննադատություններ են հնչեցրել:

Ermenihaber.am