Թուրքական օդանավերով զե՞նք է տեղափոխվում քաղաքացիական պատերամզի մեջ գտնվող Նիգերիա

Միջազգային10:54, 20 Մարտ 2014

Թուրքական օդանավերով զե՞նք է տեղափոխվում քաղաքացիական պատերամզի մեջ գտնվող Նիգերիա

Լուրեր են պտտվում, թե «Թուրքական ավիաուղիներ» (THY) ընկերությանը պատկանող օդանավերով զենք է տեղափոխել Նիգերիա` տեղի քաղաքացիական պատերազմում օգտագործելու նպատակով: Այս մասին հրապարակումով հանդես է եկել բրիտանական «Times» պարբերականը:

«Սա լուրջ հարված է Թուրքիայում մարտի 30-ին կայանալիք տեղական ինքնակառավարման մարմինների (ՏԻՄ) ընտրությունների նախաշեմին կոռուպցայի մեղադրանքների դեմ պայքարող վարչապետ Ռեջեփ Էրդողանի հեղինակությանը»,- գրում է աղբյուրը:

«Times»-ի ստամբուլյան թղթակիցը իր հոդվածում անդրադարձել է Թուրքիայում վերջին շրջանում գատնալսված ու գաղտնազերծված հեռախոսազրույցներից մեկին: Ըստ այդ ձայնագրության` «THY»-ի պաշտոնյաներից Մեհմեթ Քարաքաշը զրուցել է Էրդողանի խորհրդականներից Մուստաֆա Վարանքի հետ, թեման եղել է զենքի մատակարարումը: վարանքն էլ ասել է, թե պետք է խոսի Հաքան բեյի հետ նոր պատասխան տա: Պարզաբանվում է, որ նշյալ Հաքանը նույն ինքը Հաքան Ֆիդանն է` Թուրքիայի ազգային հետախուզական կազմակերպության (MIT) ղեկավարը:

«THY»-ը պաշտոնապես հերքել է Թուրքիայի կողմից Նիգերիայի կամ որևէ այլ պետության զենք մատակարարելու մասին պնդումները:

Նշենք, որ Նիգերիայում այժմ կրոնական արմատական խմբավորումները պայքարում են Բոքո Հարամի վարչակարգը տապալելու և երկրում իսլամական պետություն հիմնելու համար: Նիգերիայում սոսկալի արյունահեղույուններով ներքին քաղաքացիական պատերազմ է ընթանում:

Ermenihaber.am