Թուրքիայում արգելափակվել է «Twitter»-ը

Իրավական08:30, 21 Մարտ 2014

Թուրքիայում արգելափակվել է «Twitter»-ը

Երեկ Թուրքիայի կառավարության մամուլի ծառայությունը հայտարարություն է արել, այն մասին որ հնարավոր է երկրում արգելափակվի «Twitter» սոցիալական կայքը: Հայտարարությունից կարճ ժամանակ անց կայքն արգելափակվել է: Ներկայումս Թուրքիայից կայք հնարավոր չէ մուտք գործել: www.twitter.com հասցեում տեղադրված են կայքի վերաբերյալ դատական որոշումները և գրված է, որ արգելափակվել է կառավարության Հեռահաղորդակցության և կապի վարչության կողմից: Տեղեկացնում է թուրքական «Սոնդաքիքա» լրատվական կայքը:

Թուրքիայի կառավարության Հեռահաղորդակցության և կապի վարչության կողմից հայտարարվել է, որ «Twitter»-ի փակման վճիռը կայացվել է Ստամբուլի գլխավոր դատախազության որոշմամբ: Էրդողանը ավելի վաղ հանրահավաքի ժամանակ հանդես էր եկել հայտարարությամբ, որ սոցիալական ցանցերը Թուրքիայում, այդ թվում և Twitter-ը արգելափակվելու են:

Երկրի վարչապետը հղում էր արել դատարանի որոշմանը, որը թույլ է տալիս դիմել նման քայլերի և ընդգծել, որ իր կառավարությանը չի հուզում միջազգային հանրության արձագանքը:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։