Financial Times. Թուրքիայում Twitter-ի վերաբերյալ ՍԴ-ի որոշումը հարված է կառավարությանը

Իրավական07:34, 03 Ապրիլ 2014

Financial Times. Թուրքիայում Twitter-ի վերաբերյալ ՍԴ-ի որոշումը հարված է կառավարությանը

Անգլիական «Financial Times» թերթը, անդրադառնալով Թուրքիայում Twitter սոցիալական կայքի արգելափակումը վերացնելու վերաբերյալ Սահմանադրական դատարանի որոշմանը, այն որակել է որպես հարված կառավարությանը:

Թերթի Ստամբուլի գրասենյակի ներկայացուցիչ Դանիել Դոմբեյը ասել է, որ դատարանը Twitter-ի արգելափակումը գնահատել է որպես խոսքի ազատություն իրավունքի խախտում: «Twitter»-ի արգելքը հանելու հայցը դատարան ներակայացնողներից մեկը` Ստամբուլի Բիլգի համալսարանի իրավաբանության ֆակուլտետի պրոֆեսոր Յաման Աքդենիզը ասել է, որ սահամանադրական դատարանի որոշումը խոսքի ազատության իրավունքի պաշտպանության տեսակետից պատմական նշանակություն ունի:

«Սամանադրական դատարանը Թուրքիայում բարձարագույն դատական մարմինն է: Այդ պատճառով էլ ստիպված են հաշվի նստել որոշման հետ»,-ասել է Աքդենիզը և ավելացրել, որ իրենք Youtube-ի արգելքի վերացման համար նույնպես պատրաստվում են հայց ներկայացնել Սահմանադրական դատարան:

Հիշեցնենք, որ մարտի 21ին Թուրքիայում արգելափակվել էր Twiitter միկրոբլոգը, այն բանից հետո, երբ վարչապետ Ռեջեփ Թայիփ Էրդողանը ՏԻՄ ընտրությունների նախընտրական քարոզարշավի շրջանակներում Բուրսա քաղաքում հրավիրված հանրահավաքի ժամանակ հայտարարել էր. «Թվիթեր-մվիթեր, այդ ամենը արմատախիլ ենք անելու»:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։