ԱՄՆ սենատի հանձնաժողովն ընդունել է հայկական բանաձևը. Դավութօղլուն զանգահարել է պետքարտուղարին

Իրավական07:38, 11 Ապրիլ 2014

ԱՄՆ սենատի հանձնաժողովն ընդունել է հայկական բանաձևը. Դավութօղլուն զանգահարել է պետքարտուղարին

ԱՄՆ սենատի արտաքին հարաբերությունների հանձնաժողով 12 կողմ և 5 դեմ ձայների հարաբերակցությամբ ընդունել է Հայոց ցեղասպանության մասին բանաձևը:

Բանաձևին դեմ է արտահայտվել սենատոր Բոբ Քորքերը: Նա հայտնել էր, որ քվեարկելու է ԱՄՆ ազգային շահերին համապատասխան և կոմիտեի անդամներին կոչ էր արել նույն կերպ վարվել:

Բանաձևի հեղինակ և արտաքին հարաբերությունների հանձնաժողովի նախագահ Ռոբերտ Մենենդեսը նշել է, որ Հայոց ցեղասպանությունը անհերքելի ճշմարտություն է և նմնանեցրել է Ռուանդայի և հրեաների ցեղասպանությանը: Մենենդեսը հիշեցրել է, որ ԱՄՆ ներկայիս նախագահ Բարաք Օբաման անցյալում նույնպես ընդունել է Հայոց ցեղասպանությունը:

Ամերիկայի Հայ Դատի հանձնախմբի (ANCA) գործադիր տնօրեն Արամ Համբարյանը շնորհակալություն է հայտնել արտաքին գործերի կոմիտեի նախագահ Ռոբերտ Մենեդեսին: «Մենք երախտապարտ ենք նախագահ Մենենդեսին և ցանկանում ենք մեր շնորհակալությունը հայտնել սենատորներից յուրաքանչյուրին, որոնք իրենց ձայնը տվեցին ի պաշտպանություն մարդու իրավունքների»,-ասել է ANCA տնօրեն Արամ Համբարյանը:

Թուրքական «Յենիշաֆաքը» հայտնում է , որ Թուրքիայի արտգործնախարարը հեռախոսազույց է ունեցել ԱՄՆ պետքարտուղար Ջոն Քերրիի հետ: Դավութօղլուն իր մտահոգությունն է հայտնել Սենատի արտաքին հարաբերությունների հանձնաժողովում Հայոց ցեղասպանության մասին բանաձևի ընդունման առնչությամբ:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։