Թուրքական ծագումով գերմանացի ռեժիսորը հրաժարվել է իր ֆիլմը ներկայացնել Կաննի փառատոնում

Մշակութային08:20, 17 Ապրիլ 2014

Թուրքական ծագումով գերմանացի ռեժիսորը հրաժարվել է իր ֆիլմը ներկայացնել Կաննի փառատոնում

Թուրքական ծագումով գերմանացի ռեժիսոր, դերասան, սցենարիստ Ֆաթիհ Աքընը հրաժարվել իր վերջին «Սպի» (The Cut) ֆիլմը Կաննի միջազգային կինոփառատոնի մրցութային ծրագրում ներկայացնել:

Թուրքական «Յենիբուրսա» լրատվական կայքը հայտնում է, որ ֆիլմը պատմում է Հայոց ցեղասպանության մասին:

Նշվում է, որ գերմանացի ռեժիսորը փառատոնին մասնակցելու դիմումը չեղյալ հայտարարելու որոշման մասին մանրամասներ չի հաղորդել, միայն նշել է, որ այն պայմանավորված է անձնական պատճառներով:

Նախկինում Աքընը Կաննում «Դրախտի ծայրին» ֆիլմի համար արժանացել էր լավագույն սցենար մրցանակին:

Հիշեցնենք, որ Աքընը «Ոսկե ծիրան» 7-րդ միջազգային կինոփառատոնի շրջանակներում այցելել էր Հայաստան:

Նա կարծիք էր հայտնել, որ հայ-թուրքական հակամարտությունը հիմնված է վախի վրա: «Խնդիրը այն է, որ պետք է հաղթահարել այդ վախը` որոշ ճշմարտությունների դեմքին նայելու վախը: Կինոն, գրականությունը, երաժշտությունն ունեն այդ ուժը, կարող են նպաստել վախը հաղթահարելուն, այսինքն` վերցնեն հեռուստադիտողի ձեռքն ու տանեն ճշմարտության մութ սենյակով: Պետք է ձերբազատվել այդ վախից: Համոզված եմ, որ կգա ժամանակը, որ մենք կհաղթահարենք, ու մեր խնդիրները կլուծվեն»,- ընդգծել էր գերմանացի ռեժիսորը:

Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։