ERMENI HABER AJANSI

Հայոց ցեղասպանության 99-ամյակի կապակցությամբ Ստամբուլում եռօրյա միջոցառումների շարք է նախապարտաստվում: «Ապրիլի 24-ի Հայոց ցեղասպանության հիշատակի պլատֆորմը» ապրիլի 24-ին Հայդարփաշայից մահվան ուղարկված հայ մտավորականների հիշատակը կոգեկոչի: Ժամը 11.00-ին 2011 թվականի ապրիլի 24-ին թուրք ծառայակցի կողմից սպանված հայազգի Սևակ Շահին Բալըքչըի գերեզմանի մոտ կհարգեն նրա հիշատակը: 19.00-ին էլ Ստամբուլի Թաքսիմ հրապարակում հիշատակության միջոցառում կկազմակերպվի:

Թուրքական «Բիանեթ» լրատվական լայքի հաղորդմամբ՝ բացի ապրիլի 24-ից միջոցառումներ կկազմակերպվեն նաև 22-ին ու 23-ին:

22 Ապրիլ, ժամը 18.30 (Թուրքիայի ժամանակով)

«Բաց դուռ» միջոցառում:

Թուրքական հասարակական կազմակերպությունների ներկայացուցիչների, Եվրոպայից Ստամբուլ ժամանած ռասիզմի ընդդիմախոսների ու սփյուռքի ներկայացուցիչների մասնակցությամբ հանդիպում կկազմակերպվի, որտեղ մտքերի ու տեսակետների փոխանակում տեղի կունենա:

14.30 Ստամբուլի «Շեհիր» համալսարան

«1915-ի ի՞նչ է եղել» խորագրով խորհրդաժողով

Համակարգող

Դոկտոր, պրոֆեսոր Ֆերհաթ Քենթել

Զեկուցողներ

Ֆեթհիյե Չեթին (Գրող, փաստաբան)

Բանջամին Աբթան

Նիկօլաս Դավիդյան

23 Ապրիլ 12.30

Ցեղասպանության իրողության հետ առերեսման ֆորում

Թուրքիայից ու հայկական սփյուռքից մասնակիցներ ունեցող միջոցառմանը ելույթ ունեցողները քննարումների միջոցով կփորձեն հասկանալ, թե Հայոց ցեղասպանության 100-ամյակին ընդառաջ առերեսման ուղղությամբ երկկողմանի ինչպիսի քայլեր կարելի է ձեռնարկել: Ծրագրում նախատեսվում են զեկուցումներ ու քննարկումներ հետևյալ թեմաներով.

 Հայոց ցեղասպանության ճանաչումը: Ներողություն և արդարություն 12.30-13.45

 Սփյուռքի պահանջներն ու պատասխանատվությունը 14.00-15.30

 Ցեղասպանության հետ առերեսման գործում քաղաքականության դերը 16.00-17.30

18.00-19.00 Առերեսվում ենք Ցեղասպանության իրողության հետ ֆորում:

Ermenihaber.am