Հասարակական08:09, 28 Ապրիլ 2014
Թուրք բլոգեր. «Պարոն վարչապետ, մենք չենք հավատում Ձեր անկեղծությանը»
Թուրքիայի վարչապետ Ռեջեփ Թայիփ Էրդողանի` ապրիլի 23-ին հղած ցավակցական
ուղերձի արձագանքները շարունակվում են: Թուրքական «Ռադիքալ» թերթի բլոգում
հոդվածներ հեղինակող Ջեմ Աքբալիքը դրականորեն չի արտահայտվել Էրդողանի ուղերձի
մասին: «Պարոն վարչապետ, մենք չենք հավատում Ձեր անկեղծությանը» վերտառությամբ
հոդվածում բլոգերը նշում է, որ սկզբում, իսկապես, անակնկալի էր եկել` տեսնելով
հումանիզմի ու դեմոկրատիայի դիրքերից արված վարչապետի ցավակցությունը:
«Կանգ առա ու մտածեցի. միտս եկան նախկինում ձեր հայտարարած կարգավորման նախաձեռնությունները` քրդական, ալևիական, ժողովրդավարական... Մարդիկ չգիտեմ, բայց ես ձեր ասածները ընկալում եմ որպես ժամանակ շահելու և վարկանիշ բարելավելու հնարք: Իսկ թե ինչ է եղել ձեր վարկանիշին, դու դա ինձանից շատ ավելի լավ գիտեք»,- գրում է բլոգերը և հիշեցնում, թե ինչպես 2013-ի ամռանը Գեզիի հակակառավարական ցույցերի ժամանակ ի ցույց դրվեց Էրդողանի վարչակազմի իրական ավտորիտար էությունը:
Ըստ Աքբալիքի` Էրդողանի ուղերձը վստահություն չի ներշնչել հատկապես այն բանից հետո, երբ նա լրագրողների հետ զրույցում դարձյալ Հայաստանի հետ հարաբերությունների կարգավորումը շաղկապել է ղարաբաղյան հիմնախնդրի հետ:
«Միանգամից տպավորություն է ստեղծվում, որ ձեր ուղերձն անկեղծ չէր: Այն
ընկալվեց իբրև Հայոց ցեղասպանության հետ կապված միջազգային ճնշումները մեղմացնելու
համար կատարված հնարք»:
Այնուհետեև թուրք բլոգերը հակիրճ թվարկում է բոլոր այն իրողությունները, որոնց պատճառով էլ Էրդողանն այլևս չունի վստահության պաշար իր անկեղծության հանդեպ:
Հրանտ Դինքը սպանվել է Էրդողանի վարչապետության ժամանակ ու մինչև օրս իրական հանցագործները և պատվիրատուները հայտնաբերված չեն: «Էրգենեքոն»-ի քրգործով դատապարտվածները, ովքեր մեղադրվում էին «զուգահեռ պետությանը» մաս կազմելու մեջ, հիմա ազատ են արձակվում: Էրդողանը սպառնում է երկրից վռնդել քաղաքացիություն չունեցող հայերին: Աջակցություն է ցուցաբերում հայաբնակ Քեսաբի վրա զինված հարձակում կազմակերպող ջիհադականներին և այլն:
«Կարճ ասած, պարոն վարչապետ, այս երկրում ապրող ժողովուրդները Ձեր խոսքերին չեն հավատում, ձեր անկեղծությանը չեն հավատում»,- ամփոփում է բլոգերը` ընդգծելով, որ Էրդողանն իրականում վախենում է տապալվելուց, քանի որ քաջ գիտակցում է, որ այդ դեպքում ուղղակի կհայտնվի բանտում:
Ermenihaber.am
Այս ենթաբաժնի վերջին նորությունները
Չնայած Թուրքիայում կանանց կրթության և աշխատուժի մասնակցության ցուցանիշների առաջընթացին՝ տղամարդկանց և կանանց միջև զգալի անհավասարություն դեռևս պահպանվում է:
Թուրքիայի ազգային ժողովի ընդհանուր նիստում ընդունվել է կիբերանվտանգության մասին օրենքի առաջարկի 13-րդ հոդվածը։
Թուրքական «Aksoy» հետազոտական ընկերությունը մարտի սկզբին հետազոտություն է անցկացրել և հրապարակել, թե որոնք են Թուրքիայի ամենակարևոր օրակարագային հացերը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միայն 2024-ին Թուրքիայի դեմ Մարդու իրավունքների եվրոպական դատարան է ներկայացվել 6190 հայցադիմում։
Իսրայելի պաշտոնական շրջանակները Թուրքիային մեղադրել են վետոյի իրավունքը որպես քաղաքական գործիք օգտագործելու մեջ։
Նորացված տարբերակով կատարվել է 3-րդ փորձնական թռիչքը, ինչի ընթացքում «Bayraktar TB2T»-ը դրական արդյունք է ցույց տվել։
Ստոկհոլմի միջազգային խաղաղության ինտիտուտը զեկույց է հրապարակել համաշխարհային զենքի առևտրի վերաբերյալ և նշել, որ Թուրքիան համաշխարահային զենքի արտահանման մեջ ավելացրել է իր մասնաբաժինը մինչև 1.7%։
Ընկերությունները նպատակ ունեն զարգացնել բարձր տեխնոլոգիական անօդաչու թռչող սարքեր, մասնավորապես եվրոպական շուկայի համար:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |