Եվրադատարանի վճռով Թուրքիան Կիպրոսին 90 մլն եվրո փոխհատուցում պետք է վճարի

Իրավական11:52, 13 Մայիս 2014

Եվրադատարանի վճռով Թուրքիան Կիպրոսին 90 մլն եվրո փոխհատուցում պետք է վճարի

Մարդու իրավունքների եվրոպական դատարանի (ՄԻԵԴ) որոշմամբ՝ Թուրքիան պետք է 90 միլիոն եվրո փոխհատուցում վճարի Կիպրոսի Հանրապետությանը 1974թ.-ին կղզու հյուսիսային հատված ներխուժելու համար:

Թուրքական «Բուգյուն» թերթը հայնտում է, որ ըստ ՄԻԵԴ-ի որոշման, 30 միլիոն եվրո պետք է տրամադրվի 1974 թվականին Կիպրոս ներխուժումից հետո անհայտ կորածների ընտանիքներին, իսկ մնացած 60 միլիոնը՝ թուրքական վերահսկողության տակ գնտվող Քարփազ թերակղզում մնացած հույներին:

Կիպրոսի հունական իշխանությունները 1491 հոգու անհյատ կորելու և 211 հույնի տեղահանելու փաստարկով Եվրադատարան Թուրքիայի դեմ դիմում էին ներկայացրել դեռևս 1994 թվականի նոյեմբերի 22-ին: Դատարանը գործին ընթացք էր տվել 1996 թվականին: 2001 թվականին ՄԻԵԴ-ը Թուրքիային մեղավոր էր ճանաչել Մարդու իրավունքների եվրոպական կոնվենցիայի 11 տարբեր դրույթները խախտելու մեջ, սակայն փոխհատուցման չափի որոշումը հետաձգել էր: 2011 թվականին Կիպրոսի իշխանությունները դիմել էին դատարան գործի գումարային հարցը քննելու պահանջով:

Դատավճռի հրապարակումից հետո Թուրքիայի արտգործնախարար Ահմեթ Դավութօղլուն հայտարարել է, որ Թուրքիայի չի վճարելու ՄԻԵԴ որոշմամբ սահմանված փոխհատուցումը:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։