Թուրքական մաֆիայի ներկայացուցիչը Դինքի սպանության մեջ մեղադրում է գյուլենականներին

Տարածաշրջան08:29, 14 Մայիս 2014

Թուրքական մաֆիայի ներկայացուցիչը Դինքի սպանության մեջ մեղադրում է գյուլենականներին

Թուրքական հանցագործ աշխարհի հայտնի ներկայացուցիչներից Քյուրշաթ Յըլմազը «Ագոս» շաբաթաթերթի հիմնադիր-խմբագրապետ Հրանտ Դինքի սպանության մասին նոր բացահայտումներ է արել:

Յըլմազը Դինքի սպանության մեջ մեղադրել է ամերիկաբնակ թուրք հայտնի կրոնական գործիչ Ֆեթուլլահ Գյուլենի համայնքին՝ այն անվանելով ահաբեկչական կազմակերպություն:

Թուրքական «Ահաբեր» լրատվական կայքը տեղեկացնում է, որ Յըլմազը դիմում է ներկայացրել Ստամբուլի դատախազություն գյուլենական համայնքի դեմ քրեական գործ հարուցելու պահանջով:

Ըստ Յըլմազի՝ սպանությունը կազմակերպվել էր գյուլենական համայնքի անդամ Թուրքիայի անվատնգության ծառայության աշխատակիցների կողմից, իսկ գործի հետևում կանգնած է Ամերիկայի հայկական սփյուռքը: Յըլմազը նշել է նաև, որ գյուլենականները իբրև թե 2004 թ. իրեն առաջարկել էին կատարել այդ սպանությունը:

Տեղեկացնենք, որ Քյուրշաթ Յըլմազը թուրքական մաֆիայի ներկայացուցիչ է, կապված է «Գորշ գայլեր» ահաբեկչական խմբավորման հետ: Եղել է ուլքուջուական կազմակերպությունների ղեկավար: Այդ կառույցները համարվում են «Ազգայնական շարժում» կուսակցության երիտասարդական թևը:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։