Թուրքիան սգի մեջ է, զոհերի թիվը հասել է 282-ի

Տարածաշրջան07:12, 15 Մայիս 2014

Թուրքիան սգի մեջ է, զոհերի թիվը հասել է 282-ի

Թուրքիայի էներգետիկայի ու բնական պաշարների նախարար Թաներ Յըլդըզը պաշտոնապես տեղեկացրել է, որ մայիսի 13-ին տեղի ունեցած ածխահանքի խոշոր վթարի զոհերի թիվը այս պահի դրությամբ հասել է 282-ի: Զոհված հանքագործներից 217-ի ինքնությունն արդեն ճանաչվել ու հաստատվել է, և դիերը հանձնվել են հարազատներին:

Ըստ թուրքական «Անադոլու» լրատվական գործակալության` նախարարը նաև հայտնել է, որ վթարված ածխահանքում դեռևս արգելափակված աշխատակիցներ կան, որոնց դուրսբերման փրկարարական աշխատանքները շարունակվում են:

Թուրքիային պատուհասած այդ աղետը տեղի տվել մի շարք քաղաքացիական խռովությունների և բողոքի միջոցառումների: Մասնավորապես Իզմիթ քաղաքում բողոքի դուրս եկած ակտիվիստները բախման մեջ են մտել ոստիկանական ուժերի հետ: Վերջիններս ստիպված են եղել գործադրել ջրաշիթեր ու արցունքաբեր գազ:

Հիշեցնենք, որ Թուրքիայի արևմտյան Մանիսա նահանգի Սոմա շրջանում գտնվող ածխահանքում, նախնական տեղեկությունների համաձայն էլեկտրական խոտանի հետևանքով բռնկվել էր հրդեհ և խոշոր վթար տեղի ունեցել: Հանքում այդ պահին գտնվելիս է եղել 787 աշխատակից: Տեխնածին այդ աղետի կապակցությամբ Թուրքիայում հայտարարվել է եռօրյա սուգ:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։