Սիբիլը ճանաչվել է Սփյուռքի լավագույն երգչուհի (լուսանկարներ)

Մշակութային09:56, 16 Մայիս 2014

Սիբիլը ճանաչվել է Սփյուռքի լավագույն երգչուհի (լուսանկարներ)

Մայիսի 11-ին Կալիֆորնիայում տեղի է ունեցել առաջին “World Armenian Entertainment Awards” մրցանակաբաշխությունը: Այն միավորել էր Հայաստանում եւ արտերկրում գործունեություն ծավալող այնպիսի արտիստների եւ հանրային դեմքերի, ինչպիսիք են Սիրուշոն, Անդրեն, Նազենի Հովհաննիսյանը, Թաթա Սիմոնյանը, Սոֆի Մխեյանը, Ռազմիկ Ամյանը, Լուիզա Ներսիսյանը, Հայկ Մարությանը, Էրիկը, Սիբիլ Փեքթորոսօղլուն, Միհրան Ծառուկյանը, Արման Հովհաննիսյանը, Աշոտ Ղազարյանը, Հարութ Փամբուկչյանը եւ այլք։

Մրցանակաբաշխության ժամանակ պոլսահայ երգչուհի Սիբիլ Փեքթորոսօղլուն արժանացել է «Սփյուռքի տարվա լավագույն երգչուհի» մրցանակին։

Նշենք, որ այս տարվա փետրվար ամսին լույս տեսավ պոլսահայ երգչուհու նոր ալբոմը:Թուրք և հայ հանդիսատեսի համակրանքին արժանացած երգչուհու նոր` «Սեր» կոչվող ալբոմում տեղ են գտել 12 երգեր`11 հայերեն, 1 արամերեն: Ալբոմում կան դուտներ `հայաստանցի աստղերի հետ: Ալբոմի «Այս գիշեր» երգի տեսահոլովակը փետրվարի 15-ին ցուցադրվեց թուրքական «CNNTurk» հեռուստաալիքով: Ավելացնենք նաև, որ 2010 թվականի նոյեմբերին թողարկվել էր նրա անունով «Սիբիլ» ալբոմը, որտեղ ներառված էին «Տեր ողորմյա», «Կիլիկիա», «Տեսնեմ Անին ու նոր մեռնեմ» երգերը: Իսկ երգացանկի առաջին երգը «Նամակ»-ն է, որն էլ հենց ճանաչում բերեց երգչուհուն:

«World Armenian Entertainment Awards»-ը նախաձեռնել և կազմակերպել էին «Global Arts International»-ը և «USArmenia»-ն: Միջոցառման հասույթի մի մասը փոխանցվելու է Քեսաբի դեպքերից տուժած մեր հայրենակիցներին։

Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։