Կաննի կինոփառատոնում հարգել են Սոմայի զոհերի հիշատակը

Միջազգային07:10, 17 Մայիս 2014

Կաննի կինոփառատոնում հարգել են Սոմայի զոհերի հիշատակը

Ֆրանսիայի Կաննի 67-րդ կինոփառատոնի ժամանակ հարգել են Թուրքիայի Սոմա շրջանում ածխահանքի վթարի հետևանքով զոհվածների հիշատակը:

Թուրք ռեժիսոր Նուրի Բիլգե Ջեյլանի «Ձմեռային քուն» ֆիլմի պրեմիերայի ժամանակ ֆիլմի անձնակազմը, հանձին ռեժիսորի, պարզել են #Soma գրությամբ թեթրիկներ: «CNN Türk»-ի տեղեկացմամբ՝ փառատոնի հիմնական ծրագրում ընդգրկված ֆիլմի պրեմիերային թուրք հրավիրյալները եղել են սևազգեստ, իսկ թուրքական պատվիրակությունը կարմիր գորգի վրա է հայտնվել կրծքին փակցված սև ժապավեններով:

Հիշեցնենք, որ մայիսի 13-ին Թուրքիայի արևմտյան Մանիսա նահանգի Սոմա շրջանում գտնվող ածխահանքում, նախնական տեղեկությունների համաձայն էլեկտրական խոտանի հետևանքով բռնկվել էր հրդեհ և խոշոր վթար տեղի ունեցել: Հանքում այդ պահին գտնվելիս է եղել 787 աշխատակից: Վթարի զոհերի թիվը այս պահի դրությամբ հասել է 298-ի: Տեխնածին այդ աղետի կապակցությամբ Թուրքիայում հայտարարվել էր եռօրյա սուգ: