Թուրքիայում բողոքի ցույցեր են. ածխահանքի զոհերի թիվը հասավ 298-ի

Տարածաշրջան06:18, 17 Մայիս 2014

Թուրքիայում բողոքի ցույցեր են. ածխահանքի զոհերի թիվը հասավ 298-ի

Թուրքիայի էներգետիկայի ու բնական պաշարների նախարար Թաներ Յըլդըզը լրագրողների հետ հանդիպմանը պաշտոնապես տեղեկացրել է, որ Մանիսա նահանգի Սոմա ավանի ածխահանքում օրեր առաջ տեղի ունեցած խոշոր վթարի զոհերի թիվը հասել է 298-ի: Նախօրեին 1600-1800մ խորության հանքահորերից դուրս է բերվել 6 զոհի դի: Նշվում է, որ նրանց մեծ մասը մահացել է ածխածնի օքսիդի թունավորումից:

Աղետի գոտում` Սոմայում, 1000-ավոր քաղաքացիներ դիմել են զանգվածային բողոքի միջոցառումների: Թուրքական «Թարաֆ» պարբերականի տեղեկացնում է, որ ոստիկանները ցուցարարների դեմ արցունքաբեր գազ ու ջրցան մեքենաներ են օգտագործել: Կա չորս վիրավոր, այդ թվում 1 լրագրող: Ցուցարարների դժգոհությունն ու զայրույթն ուղղված է իշխանությունների ու վթարված ածխահանքը շահագործող «Սոմա Հոլդինգ»-ի դեմ, քանի որ վերջիններս օրինապես չեն ապահովել հանքարդյունաբերության պահանջներից բխող անվատնգության նորմերը:

Ցուցարարները հավաքվել են քաղաքապետարանի մոտ և վանկարկել հակակառավարակն լոզունգներ` «Իշխանությունները ժողովրդին պատասխան են տալու», «Կառավարությունը պետք է հրաժարական տա», «Սոմա, տեր կանգնիր քո նահատակներին» և այլն:

Բողոքի զանգվածային ցույցեր տեղի են ունենում ոչ միայն Սոմայում, այլ նաև Թուրքիայի բազմաթիվ քաղաքներում, ինչպես օրինակ Ստամբուլում, Անկարայում, Իզմիրում: Այստեղ ևս ոստիկանական ուժերը ընդհարվել են ցուցարարների հետ և ուժ գործադրելով փորձել ցրել նրանց:

Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։