Քաղաքական09:52, 26 Մայիս 2014
Դավութօղլուն խոսել է Ցեղասպանության ճանաչման դեմ Անկարայի տոտալ ռազմավարության մասին
Թուրքիայի արտաքին գործերի նախարար Ահմեթ Դավութօղլուն, պատասխանելով անկախ
պատգամավոր Իհսան Բարութչուի գրավոր հարցմանը, տեղեկություններ է հայտնել Հայոց
ցեղասպանության ճանաչման դեմ ուղղված Անկարայի գործողությունների մասին:
Ըստ «Հաբերլեր» լրատվականի` Դավութօղլուն նախ տեղեկացրել է, որ իրենք լրջորեն հետևում են ՀՀ նախագահի կողմից 2011-ին ստեղծված և նրա գլխավորությամբ գործող Հայոց ցեղասպանության 100 ամյակի միջոցառումները համակարգող պետական հանձնաժողովի աշխատանքներին: Ապա նշել է, որ թուրքական կողմը դիմել է բոլոր կողմերով համակարգված տոտալ ռազմավարության` դիվանագիտական հարթությունից մինչև իրավական, հասարակական հարթակներից մինչև գիտական շրջանակներ: Ընդ որում գործին լծված է ոչ միայն Թուրքիան, այլ նաև թուրքական սփյուռքը:
Վարչապետ Ռեջեփ Թայիփ Էրդողանի` ապրիլի 23-ին հրապարակած ուղերձը Դավութօղլուն համարել է հենց վերոնշյալ ռազմավարության արտացոլում, ինչպես նաև հերթական անգամ հիշեցրել պատմաբանների համատեղ հանձնաժողով ձևավորելու մասին Անկարայի առաջարկը` արված դեռևս 2005-ին:
«Մեր հայտարարած ռազմավարության շրջանակներում մենք շարունակում ենք համագործակցությունը համապատասխան հաստատությունների ու անձնանց հետ ինչպես երկրի ներսում, այնպես էլ արտերկրում»,- ասել է Դավութօղլուն:
Վերջինս նաև դատապարտել է բոլոր այն երկրների օրենսդիր մարմիններին, որոնք Հայոց ցեղասպանությունը ճանաչող բանաձևեր են փորձում ընդունել` հավաստիացնելով, որ իրենց կողմից էլ հակազդեցությունները շարունակվելու են:
Ermenihaber.am
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Լիլիա Ամիրխանյանը Ermenihaber.am-ի հետ զրույցում նշել է, որ հայ-թուրքական սահմանի բացման հարցում տնտեսական էֆեկտները գնահատելու հետ կապված անորոշությունը շատ մեծ են։
Դահլիճում մեկը ոտքի է կանգնել և սկսել Թուրքիայի նախագահին մեղադրել երեսպաշտության մեջ։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |