«Հայ եղբայրներիս և սիրելի Հրանտին». թուրք լրագրողի մրցանակ շահած հոդվածը

Տարածաշրջան12:47, 03 Հունիս 2014

«Հայ եղբայրներիս և սիրելի Հրանտին». թուրք լրագրողի մրցանակ շահած հոդվածը

Թուրքական «Ռադիքալ» թերթի սյունակագիր Օրալ Չալըշլարը Հայաստան-Թուրքիա հարաբերությունների զարգացման և Թուրքիայում բնակվող հայության իրավունքների պաշտպանության գործում ունեցած զգալի ներդրման համար այս տարի ստացել է մրցանակ է ստացել: Լրագրողներին ամենամյա տրվող այդ մրցանակն ունի արդեն 4 տարվա պատմություն և կազմակերպվում է Ստամբոււլի Մշակույթի համալսարանի «Գլոբալ աշխարահաքաղաքական միտումներ» կենտրոնի կողմից: Մրցանակաբաշխությունն այս տարի կազմակերպվել էր Շվեդիայի հյուպատոսարանում: Օրալ Չալըշլարին մրցանակը հանձնել է վերոնշյալ համալսարանի ռեկտոր Սեմահաթ Դեմիրը:

Հեղինակին մրցանակ է բերել ապրիլի 25-ին հրապարակած «Հայ եղբայրներիս և սիրելի Հրանտին» վերտառությամբ հոդվածը, որտեղ նշվում է, որ Հրանտ Դինքի կյանքը ըստ էության Թուրքիային իր անցյալի հետ առերեսվելու, Հայաստան-Թուրքիա սահմանները բացելու և սահմանից այն կողմ բարեկամության կամուրջներ գցելու ջանք էր: Չալըշլարը ցանկություն էր հայտնել, որ Դինքը կենդանի լիներ և տեսներ ապրիլի 24-ի կապակցությամբ Թուրքիայի վարչապետի հղած ցավակցական ուղերձը, որը հեղինակի գնահատմամբ բավականին ուշացած ժեստ էր:

Ermenihaber.am