Տարածաշրջան10:08, 10 Հունիս 2014
Թուրքիայում գտնվող Իրանի նախագահը չի այցելել Աթաթուրքի դամբարան
Իրանի Իսլամական Հանրապետության (ԻԻՀ) նախագահ Հասան Ռուհանիի` Թուրքիա
կատարած այցն արժանացել է ամերիկյան լրատվամիջոցների ուշադրությանը: Թուրքական «Ջումհուրիյեթ» պարբերականը
տեղեկացնում է, որ ԱՄՆ-ի մամուլում մեկնաբանություններ են արվել այն մասին, որ թեև
Անկարան և Թեհրանը խորքային տարաձայնություններ ունեն սիրիական հարցում, բայց
տնտեսական համագործակցության առումով համակարծիք են:
Ամերիկացիներն ուշադրություն են հրավիրել այն հանգամանքի վրա, որ պաշտոնական այցով Թուրքիա ժամանած Իրանի նախագահը չի այցելել Հանրապետության հիմնադիր Մուստաֆա Քեմալ Աթաթուրքի դամբարան: Դա նշանակում է, որ թուրքական դիվանագիտությունը պաշտոնական այցի արարողակարգում բացառություն է արել Իրանի համար: Նշվում է նաև, որ հանդիպումից հետո Ռուհանիի հետ համատեղ մամուլի ասուլիսի ժամանակ Թուրքիայի վարչապետի դեմքին նկատվել են անհանգստության ու լարվածության նշաններ: Դա ավելի ակնհայտ է դարձել այն բանից հետո, երբ Ռուհանին, ի պատասխան լրագրողի հարցմանը, ասել է, որ շնորհավորել է Սիրիայի վերընտրված նախագահ Բաշար Ասադին:
Հիշեցնենք, որ Թուրքիա մեկնելուց առաջ Իրանի նախագահն օդանավակայանում լրագրողների հետ հանդիպմանը նշել էր, որ Թուրքիան տարածաշրջանում կարևոր նշանակություն ունեցող հարևան է: Թեհրանը մտադիր է ամրապնդել հարաբերություններն իր հարևանների, այդ թվում և Թուրքիայի հետ: Ռուհանին նաև նշել էր, որ Թուրքիայի վարչապետի` Թեհրան կատարած այցի ժամանակ կողմերը որոշում են կայացրել որակապես բարձր մակարդակի հասցնել երկկողմ հարաբերությունները:
Ermenihaber.am
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |