Տարածաշրջան07:16, 18 Հունիս 2014
Քերքուքի թուրքմենները Թուրքիային կոչ են անում միջամտել և փրկել ահաբեկիչներից
«Իրաքի թուրքմենների ճակատ»-ի խոսնակ Ալի Մեհդին տագնապալի հայտարարություն է
արել այն մասին, որ շատ շուտով Իրաքի հյուսիսում գտնվող Քերքուք քաղաքը կարող է
ընկնել «Իրաքի և Լևանտի իսլամական պետություն» ահաբեկչական խմբավորման զինյալների
ձեռքը: Այդ մասին Մեհդին ասել է «Սի ԷՆ Էն Թուրք» լրատվական ծառայությանը` նշելով,
որ Քերքուքի ինքնապաշտպանական ուժերն անբավարար են և չեն կարողանան երկար
դիմադրել:
«Ամեն րոպե Քերքուքը կարող է ընկնել: Բեշիր գյուղն արդեն ահաբեկիչների հսկողության տակ է, նրանք այնտեղ դիրքավորվում են: Մենք միջազգային ուժերի միջամտությունն ենք խնդրում: Թուրքիայի միջամտությունը ևս: Եթե միջամտություն չլինի, Քերքուքը կընկնի: Աշխարհին ենք դիմում. Այստեղ ցեղասպանություն է տեղի ունենում: 100.000 աշխարհազորային սրանց առաջը չեն կարող փակել: Իրաքի բանակն էլ սրանց առաջ չկարողացավ կանգնել: Արդեն պետք է մեկը, որ այս ահաբեկչական կազմակերպությանն ասի` կանգ առ»,- ասել է Ալի Մեհդին:
Թուրքիայի արտգործնախարար Ահմեթ Դավութօղլուն էլ տեղեկացրել է, որ Իրաքի Բասրա շրջանում գտնվող թուրքական հյուպատոսարանի անձնակազմը շտապ տարհանվել է անվտանգության նկատառումներով: Թուրքիայի հյուպատոսական անձնակազմը հանգրվանել է Քուվեյթում: Այս մասին Դավութօղլուն հայտնել է Twitter միկրոբլոգի իր էջում` հավելելով, որ Թուրքիան պատրաստ է անել ամեն հնարավորը իրաքցի հայրենակիցների ապահով տարհանումը դեպի անվտանգ վայրեր կազմակերպելու համար:
Ermenihaber.am
Այս ենթաբաժնի վերջին նորությունները
ՌԴ նախագահը չի բացառել, որ Թուրքիայի զինված ուժերը ռազմական գործողություն կարող են իրականացրել Սիրիայի քրդական ուժերի դեմ,
Կահիրեում տնտեսական համագործակցության ութնյակի (D-8) գագաթնաժողովի շրջանակում հանդիպել են Թուրքիայի և Իրանի նախագահները։
ԱՄՆ պետքարտուղարության խոսնակ Մեթյու Միլլերը մեկնաբանել է Սիրիայում ստեղծված իրավիճակը և այդ համատեքստում անդրադարձել Սիրիայի քրդական ուժերի հարցին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի և Գերմանիայի արտգործնախարարներն անդրադարձել են Թուրքիա-ԵՄ հարաբերություններին, Հայաստան-Ադրբեջան գործընթացին և Սիրիայում տիրող իրավիճակին։
Էլեկտրոնային պատերազմի թուրքական համակարգերը լիովին խաթարել էին Ասադի ռեժիմի ռազմական հաղորդակցության ենթակառուցվածքը Սիրիայում։
Ֆիդանն ընդգծել է, որ Թուրքիան պատրաստ է աջակցություն ցուցաբերել Սիրիայի ժողովրդի կարիքները հոգալու գործին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |