Դինքի անվան պատվո հավաստագիր` արգենտինացի լրագրողին

Միջազգային08:53, 01 Հուլիս 2014

Դինքի անվան պատվո հավաստագիր` արգենտինացի լրագրողին

Արգենտինացի հայտնի լրագրող Ռեյնալդո Սիեթեքասին Հարավային Ամերիկայի Հայ դատի հանձնախմբի կողմից շնորհվել է Հրանտ Դինքի անվան պատվո հավաստագիր: Սիեթեքասը նշել է, որ իր համար մեծ պատիվ է արժանանալ Հրանտ Դինքի անունը կրող պատվո հավաստագրի: Դինքի պատմությունն ու լրագրողական գործունեությունն ուսումնասիրած լրագրողը վստահ է, որ այդ մրցանակը նոր ազդակ կլինի իր աշխատանքը պատվով շարունակելու համար:

Մրցանակի հանձնման արարողությանը մասնակցել են Արգենտինայի քաղաքական, հասարակական և լրագրողական շրջանակներից բազմաթիվ ներկայացուցիչներ:

«Երբ ես հավաքում էի փաստաթղթեր, նյութեր Հայոց ցեղասպանության վերաբերյալ, ես տեսնում էի ցավ այն մարդկանց աչքերում, ովքեր որևէ կերպ առնչություն ունեին այդ սարսափելի իրադարձություններին: Սակայն ցավի զգացողությունը կարևություն նշանակություն ունի: Նման ցավը խորհրդանշանում է գիտակցության առկայություն»,- ըստ «Արմենպրես»-ի` մրցանակը ստանալիս ասել է Սիեթեքասը։

Արգենտինացի լրագրողի բնորոշմամբ` Հրանտ Դինքը մեծ հումանիստ էր և նրան սպանեցին քանի որ քննադատում էր ազգային փոքրամասնությունների նկատմամբ անհանդուրժողականությունը, որը Թուրքիայի պետական քաղաքականության մի մասնիկն էր:

Նշենք, որ վերոնշյալ մրցանակն արգենտինահայերը շնորհում են 2001 թվականից: 2007թ. պոլսահայ լրագրող Հրանտ Դինքի ողբերգական սպանությունից հետո, պատվո հավաստագիրը կրեց նրա անունը: 2007-ից մինչև օրս նման հավաստագրեր է ստացել արգենտինացի 22 լրագրող:

Ermenihaber.am