Թուրքիայի միակ հայկական գյուղում օրգանիկ գյուղատնտեսություն է զարգանում

Տարածաշրջան08:41, 10 Հուլիս 2014

Թուրքիայի միակ հայկական գյուղում օրգանիկ գյուղատնտեսություն է զարգանում

Թուրքիայի միակ հայկական գյուղը` Վագըֆլըն, գտնվում է Հաթայ նահանգի Սամանդաղ շրջանից 4կմ հեռավորության վրա գտնվող Մուսա լեռան ստորոտին: Իսկ թուրք-սիրիական սահմանից գյուղը գտնվում է ընդամենը 30կմ հեռավորության վրա:

Վագըֆլըին անդրադարձած «Ջանլը հաբեր» լրատվականը, նշելով որ գյուղի բոլոր բնակիչները Թուրքիայի քաղաքացիություն ունեցող ծագումով հայեր են, ընդգծում է գյուղի մեկ այլ առանձնահատկություն ևս: Հայաբնակ այդ գյուղում կազմակերպվում է օրգանիկ գյուղատնտեսություն: Օրինակ է բերվում, որ միայն 2004-ին օրգանական մեթոդներով աճեցվող ցիտրուսային մրգերի արտահանմամբ Թուրքիան ստացել է 1 մլն եվրոյի եկամուտ:

Գյուղի Սուրբ Մարիամ Աստվածածին եկեղեցին 1997-ին հիմնանորոգվել է և այսօր բարեկարգ վիճակում է գտնվում: Ամեն տարի Վագըֆլըում նշվում են Սուրբ ծննդյան, սուրբ հարության տոները: Գյուղացիները պահպանում են իրենց կրոնական ավանդույթները:

«Գեղատեսիլ, մաքուր օդով հարուստ, օրգանական գյուղմթերքներ արտադրող և իր ավանդույթները պահպանող այս գյուղը սպասում է իր այցելուներին»,- եզրափակում է թուրքական կայքը:

Ermenihaber.am