ERMENI HABER AJANSI

Թուրքիայում նախագահական ընտրություններին ընդառաջ անցկացված վերջին սոցհարցման համաձայն` առաջատարը ներկայիս վարչապետ Ռեջեփ Թայիփ Էրդողանն է:

Ըստ սոցհարցման`Էրդաղանին աջակցում է ընտրողների 54.6%-ը, երկրորդ տեղում ընդդիմադիրների միասնական թեկնածու Էքմելեդդին Իհսանօղլուն է` 38.1 %,  իսկ երրորդ տեղում Սելահաթթին Դեմիրթաշը (7.3%):

Սոցհարցումն անցկացվել է հուլիսի 5-11-ի ընթացքում, հարցվածների հետ դեմ առ դեմ զրույցի միջոցով: Հարցմանը Թուրքիայի 12 շրջաններից մասնակցել է 29 հազար 154 հոգի:

Հիշեցնենք, որ Թուրքիայում օգոստոսի 10-ին անցկացվելու են նախագահական ընտրություններ, երբ երկրի ղեկավարին առաջին անգամ ընտրելու է ժողովուրդը հանրաքվեի ճանապարհով: Նախկինում հանրապետության նախագահին ընտրում էր խորհրդարանը:

Ermenihaber.am