Թուրքիայում քրիստոնյաները, ալևիները և ոչ սուննի մահմեդականները անվստահելի տարր են համարվում

Միջազգային08:15, 29 Հուլիս 2014

Թուրքիայում քրիստոնյաները, ալևիները և ոչ սուննի մահմեդականները անվստահելի տարր են համարվում

ԱՄՆ Պետքարտուղարությունը հրապարակել է կրոնական ազատությունների վերաբերյալ ամենամյա զեկույցը: Թուրքիային վերաբերող հատվածում նշվում է, որ խղճի ազատությունը սահմանադրությամբ, օրենքներով և քաղաքականությամբ ընդհանուր առմամբ պահպանվում է, սակայն կան որոշ օրենքներ, սահմանադրական դրույթներ, որոնք սահամանափակում են այդ իրավունքները:

Նշվում է, որ Օսմանյան շրջանում պաշտոնապես ճանաչված կրոնական համայնքները՝ հույները, հայերը, ասորիները, հայ բողոքականները, ինչպես նաև հրեաները, իրենց ծեսերը կատարելու, դավանանքի ազատություն են ստացել: Իսկ կառավարությունն էլ իր հերթին շարունակում է փոքրամասնություններին վերադարձնել անցյալում առգրավված կրոնական հիմնադրամների գույքը կամ դրանց դիմաց փոխհատուցում վճարել:

Զեկույցը մտահոգություն է հայտնում առ այն, որ որոշ կրոնական խմբեր զրկված են հոգևորականներ պատրաստելու հնարավորությունից, կառավարությունը հրաժարվում է ճանաչել ալևիների աղոթավայրերը որպես այդպիսին: Չնայած դավանափոխությունը համարվում է օրինական, սակայն երևույթը ենթարկվում է պետական սահմանափակումների, հետապնդումների:

Կառավարությունը սուննի իսլամական խմբերի նկատմամբ ունի դրական և կանխակալ վերաբերմունք, ինչպես օրինակ Կրոնական հարցերով վարչության ղեկվարի պաշտոնում այլ կրոնական համայնքների առաջնորդների, դաստիարակների աշխատանքի չեն վերցնում:

Թուրքիայում կրոնական համոզմունքների և սովորույթների դեմ ուղղված հասարակական խտրական վերաբերմունքի պատճառով քրիստոնյաները, ալևիները, ոչ սուննի մահմեդականները և այլ կրոնական փոքրամասնություններ սպառնալիքներ են ստանում և հասարակության անվստահելի տարր են համարվում:

Զեկույցում տեղ է գտել նաև Մուհամեդ մարգարեին վիրավորելու փաստարկով Սևան Նիշանյանին 13.5 ամիս բանտարկության դատապարտելու փաստը:

Ermenihaber.am