Թուրք մտավորականների բողոքի երթը դեպի Իսրայելի հյուպատոսարան

Տարածաշրջան07:56, 29 Հուլիս 2014

Թուրք մտավորականների բողոքի երթը դեպի Իսրայելի հյուպատոսարան

Թուրքիայում օրեցօր թեժանում են հակաիսրայելական տրամադրությունները` կապված Գազայում իրականացվող ռազմանական գործողությունների հետ: Արվեստի ու մշակույթից մի խումբ գործիչներ (Իսմայիլ Հաքքը, Հուսեյն Թյուրքյըլդըրըմ, Իսրաֆիլ Քյոշե, Ալի Նուրի Թյուրքօղլու, Մեհմեթ Սադի Բայազըթ, Մուրաթ Ունալմըշ), հավաքվել են Լևենթի մետրոյի կայարանի մուտքին և երթի դուրս եկել դեպի Ստամբուլու գտնվող Իսրայելի գլխավոր հյուպատոսարան: Երթի մասնակիցները ծածանել են Պաղեստինի դրոշները, վանկարկել «Ողջույն ինթիֆադա, ողջույն Պաղեստին» կարգախոսը: Ինթիֆադա անվանում են պաղեստինցիների զինված պայքարը:

Հասնելով հյուպատոսարանի մոտ`երթի մասնակիցների անունից Իսմայիլ Հաքքըն հանդես է եկել հայտարարությամբ, որով կոչ է արվել դադարեցնել արյունահեղությունը, մանկասպանությունը Պաղեստինում: Աստված բոլոր մարդկանց հավասար է ստեղծել` անկախ ռասսայական պատկանելությունից կամ մաշկի գույնից: Վերջում ցուցարարները հյուպատոսարանի պատերին են նետել իրենց հետ բերած հայելիները և հեռացել:

Ermenihaber.am