Հասարակական12:40, 30 Հուլիս 2014
Հիլմար Կայզեր. «Քրդերն այդքան էլ անմեղ չեն հայերի կոտորածների հարցում»
Հայոց ցեղասպանությունն
ուսումնասիրող գիտնական
Հիլմար Կայզերը
«Դիարբեքիրի շրջանի հայերի ոչնչացումը» գիրքում
անդրադարձել է հայերի
կոտորածներին քրդերի մասնակցությանը և
պատասխանատվությանը: Գիրքը հիմնվում է
ցայսօր չօգտագործված օսմանյան
փաստաթղթերի վրա և անգլերեն լեզվով հրատարակվել
է Ստամբուլի Բիլգի համալսարանի հրատարակչության կողմից:
Կայզերը, Հայոց
ցեղասպանությունը բնորոշելով որպես բոլոր ժամանակների ամենամեծ հանցագործություն, գրքում ներկայացնում
է Դիարբեքիրի նահանգապետ Ռեշիդի և նրա շրջապատի
ընտանիքների դերակատարումը ցեղասպանության և դրան նախորդող կոտորածների ժամանակ:
Կայզերը հարցազրույց
է տվել «Ակոս» շաբաթաթերթին՝ անդրադառնալով
այն հարցերին, որոնք արծարծվել են գրքում, այդ թվում նաև քրդերի դերակատարությանը և
պատասխանատվությանը: Նա հայտնել է, որ քաղաքական
շրջանակները և քրդական աշիրեթները մեծապես
շահարգռված էին հայկական քաղաքական մրցակցությունը չեզոքացնելու և հայերի ունեցվածքին
տիրանալու հարցում:
«1915 թվականից
առաջ քրդական էլիտայի և «Իթթիհադ վե Թերաքիի»
(Միություն և առաջադիմություն) միջև սիրախաղ էր սկսվել: Առաջինները, իրականում փորձելով սեփական հաշվարկներն
իրագործել, «Իթթիհադ
վե Թերաքիի»
սպասելիքներն էլ իրականացրեցին: Անգամ ավելի
առաջ գնացին: «Իթթիհադ վե Թերաքին» կառավարության
քաղաքականությունը ֆինանսավորելու համար ցանկանում էր հայերի ունեցվածքը առգրավել որպես
լքված գույք, սակայն, իրականում, շատ քիչ թվով
հայկական ունեցվածքի տիրացավ: Սա էլ
նշանակում է, որ քուրդ բնակչությունը, մասնավորապես քուրդ առաջնորդներն էին
տիրացել այդ ունեցվածքին»,- հայտնել է Կայզերը:
Նա միևնույն ժամանակ նշել է, որ սա չի խոսում ո՛չ քրդերի
կոլեկտիվ մեղավորության, ո՛չ էլ անմեղության մասին:
Ermenihaber.am
Այս ենթաբաժնի վերջին նորությունները
Թուրքիայի համար «Ակտիվ ծերացման ինդեքսը» 2024-ին հասել է շուրջ 30-ի:
Տարեսկզբից մինչև փետրվարի վերջ Թուրքիա է մեկնել 463․865 իրանցի՝ դառնալով օտարազգի տուրիստների ամենամեծ խումբը։
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր երկրում ծնելիության ինդեքսի խորացող անկման մասին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Նշվում է, որ հանդիպմանը քննարկվել է Գազայում հումանիտար իրավիճակը և հրադադարի շուրջ բանակցություններում առկա վերջին զարգացումները։
Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»
«Ես քաղաքական հավակնություններ չունեմ: Ինձ հաճախ են հարցնում այս մասին, բայց ես կցանկանայի մնալ ոչ կառավարական հատվածում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |