Հասարակական13:17, 31 Հուլիս 2014
Սենան Փորթերոն. «Թուրքիայում դեռևս հնարավոր չէ հայ լինել»
Թուրքական ծագմամբ գերմանացի ռեժիսոր Ֆաթիհ Աքընը, ում
Հայոց ցեղասպանության մասին ֆիլմը այս տարի ներկայացվելու է Վենետիկի կինոփառատոնում, հայտնել է, որ ցանկացել է «Ակոս» թերթի հիմնադիր-խմբագրապետ Հրանտ Դինքի մասին ֆիլմ նկարահանել: Նա անգամ ֆիլմի
սցենար է գրել, սակայն ոչ
մի թուրք դերասանի չի կարողացել համոզել հանդես գալ Դինքի կերպարում: Որպես դերից հրաժարվելու պատճառ մատնանշվել է բավականին համարձակ սցենարը:
Թուրքական «Ռադիքալ» լրատվական կայքի բլոգում Սենան Փորթերոնն անդրադարձել է
թեմային՝ նշելով, որ Աքընի խոսքերն իր մեջ բազմաթիվ հարցեր են առաջացրել, որոնց պատասխանները ինքն էլ չգիտի:
Արդյո՞ք խնդիրը սցենարի մեջ է, թե՞ մարդիկ Հրանտի անվամբ արվեստի գործ չեն ուզում ստեղծել: Կամ թե այս երկրի պատվարժան լրագրողներից մեկին՝ Հրանտ Դինքին հիշատակելուց, նրա պատվին որևէ արվեստի գործ ստեղծելուց ավելի արժեքավոր ի՞նչ կարող է լինել: Փորթերոնը փորձում է նաև հարցը հասարակական կարծիքի տեսանկյունից դիտարկել՝ գուցե Հրանտի դերակատարը հայրենիքի դավաճան հռչակվե՞ր: Իսկ եթե այդպես է, արդյո՞ք արվեստը վախենալով արվող գործ է, և ինչը՞ կարող է ավելի ամոթալի լինել, քան այն արվեստը, որը գտնվում է և՛ հասարակական, և քաղաքական ճնշման տակ:
Բլոգերը այս
ամենից հետևյալ եզրակացությունն է անում. «Այստեղ կարևոր մեկ այլ խնդիր կա: Թուրքիայում դեռևս հնարավոր չէ հայ լինել: Հայ ասելը դեռևս հայհոյանք է համարվում: Այո՛, գլխումս շատ հարցեր կան: Բայց ես մի բան գիտեմ. քանի դեռ այլատյաց մտածելակերպը և խտրականությունը գոյություն ունեն, այս երկրում ոչ նորմալ արվեստ կարարվի, ոչ էլ Հրանտ Դինքի դերակատար կգտնվի»:
Ermenihaber.am
Այս ենթաբաժնի վերջին նորությունները
Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։
Ստամբուլում մեկնարկած «Ոճիր և պատիժ ֆիլմի 14-րդ միջազգային փառատոնի» շրջանակներում 60 ֆիլմ է ցուցադրվել, որից միայն մեկն է եղել քրդերեն:
Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրակարգում են եղել երկկողմ, տարածաշրջանային և համաշխարհային նշանակության հարցեր։
Թուրք լրագրող Ֆեհմի Քորուն իր հոդվածում անդրադարձել է իշխանական ԱՇԿ-ի առաջնորդի՝ Աբդուլլահ Օջալանի մասին հայտարարությանը։
Թուրքիայի նախագահն անդրադարձել է Իսրայելի վարչապետ Բենյամին Նեթայահուի և նախկին ՊՆ ղեկավար Յոավ Գալանտի ձերբակալման որոշմանը:
Ըստ Ալփարսլան Բայրաքթարի՝ նման պատժամիջոցները կարող են դժվարացնել Թուրքիայի համար գազի գնումը։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |