Տարածաշրջան12:55, 05 Օգոստոս 2014
Էրդողանի նախընտրական գովազդային արշավը ռեկորդային չափերի է հասնում
Թուրքիայի վարչապետ Ռեջեփ Թայիփ
Էրդողանը նախագահական ընտրությունների քարոզարշավի շրջանակներում մասշտաբային գովազդային ակցիաներով առաջ է անցել մնացած
թեկնածուներից: Էրդողանը
Թուրքիայի տարբեր նահանգներում ու գավառներում հագեցած գրաֆիկով անցկացվող նախընտրական
միտինգներին զուգահեռ մեծածավալ գովազդային արշավ է իրականացնում: Թուրքական «Անկարա
մեյդանը» լրատվական կայքը նշում է, որ Էրդողանի գովազդային արշավի համար ծախսվող
հսկայական գումարները ենթադրաբար հավաքվել են նվիրատվությունների միջոցով: Ըստ
նույն աղբյուրի՝ գովազդային արշավը բավական դրական է ընդուվում հասարակությա
կողմից:
Թուրքիայի ողջ տարածքում գրեթե բոլոր գովազդային
ցուցատախտակները կրում են Էրդողանի նախընտրական պաստառները: Հայտնի է դարձել, որ
նախընտրական քարոզարշավից առաջ Էրդողանի գլխավորած «Արդարություն և
զարգացում» (ԱԶԿ) կուսակցությունը երկրի բոլոր գովազդային ցուցատախտակները վարձակալելու համար
հայտեր է ներկայացրել:
Բարձրագույն ընտրական հանձնաժողովում Թուրքիայի
գլխավոր ընդդիմադիր «Ժողովրդահանրապետական» կուսակցության (ԺՀԿ) ներկայացուցիչ Մեհմեթ Յաքուփօղլուն էլ նշել է,
որ ընդդիմությունը բավարար քանակությամբ ֆինանսական ռեսուրսներ չունենալու
պատճառով չի կարողանում վարձակալել գովազդային ցուցատախտակներ, ինչպես նաև
կասկածելի է համարել Էրդողանի ֆինանսական հոսքերը: Ընդդիմության ներկայացուցիչն
ավելացրել է նաև, իշխանության թեկնածուն օգտագործում է պետական լծակներ՝ կոչ
անելով հսկողություն սահմանել գործընթացի վրա:
Նշենք, որ Թուրրքիայում ս/թ օգոստոսի 10-ին
անցկացվելու է նախագահական ընտրություններ: Ընտրություններին առաջադրված
թեկնածուները 3-ն են՝ ներկայիս վարչապետ Ռեջեփ Թայիփ Էրդողան (իշխանություն),
Էքմելեդդին Իհսանօղլու(ընդդիմություն) և Սալահեթթին Դեմիրթաշ (քրդերի ներկայացուցիչ):
Ermenihaber.am
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Հրապարակվել է հոդված Հայաստանի տեխնոլոգիական ոլորտի զարգացման մասին։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Կա՞ արդյոք երաշխիք, որ հայկական կողմի հետ հարաբերությունները կարգավորելուց հետո մի օր թուրքը կրկին «թուրը չպիտի սրի»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |