ERMENI HABER AJANSI

Հայազգի մեծ արվեստագետ Արամ Տիգրանի մահվան 5-րդ տարելիցի կապակցությամբ օրերս Ֆրանսիայի մայրաքաղաք Փարիզում հիշատակի միջոցառում է կազմակերպվել:

Միջոցառումը կազմակերպվել է Եվրոպայաբնակ քուրդ արվեստագետների խորհրդի (TEV-ÇAN մշակույթի խորհուրդ) նախաձեռնությամբ: Միջոցառման ընթացքում ցուցադրվել է հայազգի երգչի մասին պատմող վավերագրական ֆիլմ: Այնուհետև ելույթ ունեցած քուրդ արվեստագետները բարձր են հայազդի ուդի վարպետ, երգիչ Արամ տիգրանի ներդրումը քրդական երաժշտության մեջ: Քուրդ արվեստագետ Սեյիդխանը նշել է, որ Տիգրանն իր քրդերեն երգերով մեծ աջակցություն է ցույց տվել Քրդերի պայքարին:

Միջոցառման վերջին կատարվել են Արամ Տիգրանի երգերը:

Արամ Տիգրան, իսկական անունը Արամ Մելիքյան, (1934 – 2009), ժամանակակից հայազգի երգիչ և երաժիշտ։

Ծնվել է հյուսիսային Սիրիայի Ալ-Քամիշլի բնակավայրում։ Ընտանիքը Քամիշլի է գաղթել ցեղասպանության ժամանակ Արևմտյան Հայաստանի Դիարբեքիր քաղաքից: Մասնագիտացել է ուդ նվագելու մեջ։ Քսան տարեկան հասակից իրեն նվիրել է երաժշտությանը, երգել է երեք լեզուներով՝ հայերեն, քրդերեն և արաբերեն:

Արամ Տիգրանը եղել է Քրդստանի բանվորական կուսակցության ցմահ առաջնորդ, այժմ՝ Թուրքիայի Էմրալի կղզում ցմահ ազատազրկման դատապարտված, քուրդ ազգի ազատագրական պայքարի առաջնորդ Աբդուլլահ Օջալանի ամենամտերիմ և վստահելի մարդկանցից մեկը:

Մահացել է Աթենքում 2009թ. օգոստոսի 8-ին: Ցանկանում էր թաղվել Դիարբեքիրում: Սակայն երգչի ցանկությունը չկատարվեց, քանի որ թուրքական իշխանությունները թույլ չտվեցին հայազգի երաժիշտին թաղել Դիարբեքիրի հայկական գերեզմանոցում։ Այնուամենայնիվ, Դիարբեքիրի հայկական գերեզմանոցում կատարվեց Արամ Տիգրանի խորհրդանշական թաղումը, իսկ արդեն նրա համար փորված գերեզմանի հողը Դիարբեքիրի քաղաքապետ Օսման Բայդեմիրն իր հետ տեղափոխել է Բրյուսել, որտեղ թաղվել է հայտնի հայազգի երաժիշտը:

Ermenihaber.am