Հայ քաղաքացին որսորդական հրացանից կրակ է բացել թուրքական դեսպանատան վրա

Տարածաշրջան08:32, 18 Օգոստոս 2014

Հայ քաղաքացին որսորդական հրացանից կրակ է բացել թուրքական դեսպանատան վրա

Օգոստոսի 18-ի առավոտյան, ըստ թուրքական լրատվամիջոցների, հրազենային հարձակում է տեղի ունեցել Մոսկվայի թուրքական դեսպանատան վրա: Ինչպես տեղեկացնում է թուրքական «Դողան» լրատվական գործակալությունը, հարձակումն իրականացրած անձը Արթուր Միրզոյան անունով մի հայ է, ով ղեկավարում է «Добрый лес» կազմակերպությունը:

Նա որսորդական հրացանից կրակ է բացել թուրքական դեսպանատան շենքի ուղղությամբ, ավելի ստույգ` մուտքին փակցրած աստղի և կիսալուսնի ցուցատախտակի վրա: Միջադեպի հետևանքով զոհեր և վիրավորներ չկան: Անվտանգության աշխատակիցներն իսկույն վնասազերծել են նրան և ձերբակալել: Առայժմ ոստիկաններին չի հաջողվել պարզել, թե ինչու է Միրզոյանը նման արարքի դիմել:

«Այնուամենայնիվ, Մոսկվայի ոստիկանությունը հայտնում է, որ կատարված հարձակումը հնարավոր է կապված լինի Լեռնային Ղարաբաղում տեղի ունեցած վերջին զարգացումների հետ»,- գրում է թուրքական «Վաթան» թերթը:

Ermenihaber.am