Հայոց ցեղասպանության մասին պատմող ֆիլմը հանվել է Ստամբուլում անցկացվող կինոշաբաթի ֆիլմացանկից

Մշակութային13:56, 12 Սեպտեմբեր 2014

Հայոց ցեղասպանության մասին պատմող ֆիլմը հանվել է Ստամբուլում անցկացվող կինոշաբաթի ֆիլմացանկից

Թուրք ռեժիսոր Ֆաթիհ Աքընի՝ Հայոց ցեղասպանության մասին պատմող «Սպի» (The cut) ֆիլմը հանվել է «Ստամբուլի մշակույթի և արվեստի հիմնադրամի» կողմից կազմակերպվող «Filmekimi» կինոշաբաթի շրջանակներում ցուցադրվելիք ֆիլմերի ցանկից: Այս մասին տեղեկացնում է թուրքական «T24» լրատվական կայքը:

Չնայած «Facebook»-ում հիմնադրամի պաշտոնական էջը ժամանակին հայտնել էր, որ կինոշաբաթում ցուցադրվելու է նաև Աքընի ֆիլմը`այնուամենայնիվ այն ցանկից հանվել է:

Ըստ «Ստամբուլի մշակույթի և արվեստի հիմնադրամի» ներկայացուցիչների տեղեկությունների՝ այն, արտասահմանում ֆիլմը ներկայացնող ընկերությունների պահանջով է այն հանվել միջոցառման ցանկից: Նշվում է, որ այդ որոշումը որևէ քաղաքական ենթատեքստ չունի:

Ֆիլմը ներկայացնողները հայտնել են, որ Թուրքիայում «Սպի»ն հավանաբար ուշացումով կբարձրանա մեծ էկրան: Այդ իսկ պատճառով էլ չեն ցանկանկացել, որ կինոշաբաթի և կինոթատրոններում ֆիլմի հիմնական ցուցադրության տարեթվերի միջև մեծ տարբերություն լինի:

«Filmekimi»-ը կազմակերպվում է ամեն տարի հոկտեմբեր ամսին և տևում է մեկ շաբաթ, որի ընթացքում ցուցադրվում են տվյալ տարվա ամենասպասված ֆիլմերը: Այս տարի թվով 13-րդ «Filmekimi»-ն անցկացվելու է հոկտեմբերի 11-17-ն ընկած ժամանակահատվածում:

«Սպի» ֆիլմը պատմում է մի տղամարդու մասին, որը ցեղասպանության տարիներին կորցնում է իր զույգ դուստրերին և տարիներ հետո իմանալով, որ նրանք ողջ են՝ ճանապարհվում է նրանց փնտրելու:

Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։