Տարածաշրջան08:29, 27 Սեպտեմբեր 2014
Թուրք պատգամավորը հետաքրքրվում է սիրիացի փախստականների մեջ հայերի քանակով
Թուրքիայի ընդդիմադիր «Ազգայնական շարժում» կուսակցության
պատգամավոր Նևզաթ Քորքմազը գրավոր հարցադիմում է ներկայացրել Ներքին գործերի նախարար
Էֆքան Ալային՝ պահանջելով Թուրքիայում ապաստանած սիրիացի փախստականների հարցով պարզաբանումներ տալ:
Քորքմազի պնդմամբ՝ «Իսլամական պետություն» ահաբեկչական
կազմակերպության հարձակումների պատճառով Թուրքիա անցած փախստականների մեջ կան ինչպես «Քրդական բանվորական կուսակցությանը» աջակցողներ, այնպես էլ 1915
թվականին Հայոց ցեղասպանության հետևանքով Թուրքիայից հեռացածների զավակներ: Ինչպես
տեղեկացնում է թուրք պատգամավորը, հայկական արմատներ ունեցող փախստականները չեն պատրաստվում
վերադառնալ Սիրիա, քանի որ վերադարձել են իրենց պապերը հողը: Ըստ այդմ, Քորքմազը կարծում է, որ նրանք Թուրքիա
են եկել որոշակի նպատակով: Այս մասին տեղեկացնում է թուրքական «T24» լրատվական կայքը:
Ելնելով վերոնշյալից՝ Քորքմազը հետևյալ հարցերն է ուղղել Ներքին գործերի նախարար Էֆքան
Ալային.
«Սիրիայից Թուրքիա եկած փախստականների ինքնությունը
և գաղթելու նպատակները մանրամասն ուսումնասիրող սոցիալական, քաղաքական ուսումնասիրություններ
և վերլուծություններ ունե՞ք:
Այդ անձանց շրջանում հայտնաբերվել են արդյո՞ք
ահաբեկչական խմբավորման անդամներ կամ այլ նպատակների համար Թուրքիա եկածներ:
Սիրիացի փախստականների շրջանում ինչքա՞ն է 1915-ին հայերի տեղահանության
(Հայոց ցեղասպանություն) ժամանակ Թուրքիայից աքսորված հայկական ծագում ունեցողների քանակը:
Որևէ գնահատական անո՞ւմ եք առ այն, որ այս հետ գաղթը կարող է լինել Հայկական սփյուռքի կողմից 2015-ի նախաշեմին Հայոց ցեղասպանության 100-ամյակի գործողություններից մեկը:
Դեռևս 57-րդ կառավարության ժամանակ Ձեր նախարարությանն առընթեր ստեղծված «Ցեղասպանության անհիմն պնդումների դեմ պայքարի ծրագիրը» արդյո՞ք շարունակում է իր գործունեությունը: Վերջին 5 տարվա ընթացքում որևէ միջոցառում անցկացվե՞լ է»:
Ermenihaber.am
Այս ենթաբաժնի վերջին նորությունները
ՌԴ նախագահը չի բացառել, որ Թուրքիայի զինված ուժերը ռազմական գործողություն կարող են իրականացրել Սիրիայի քրդական ուժերի դեմ,
Կահիրեում տնտեսական համագործակցության ութնյակի (D-8) գագաթնաժողովի շրջանակում հանդիպել են Թուրքիայի և Իրանի նախագահները։
ԱՄՆ պետքարտուղարության խոսնակ Մեթյու Միլլերը մեկնաբանել է Սիրիայում ստեղծված իրավիճակը և այդ համատեքստում անդրադարձել Սիրիայի քրդական ուժերի հարցին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի և Գերմանիայի արտգործնախարարներն անդրադարձել են Թուրքիա-ԵՄ հարաբերություններին, Հայաստան-Ադրբեջան գործընթացին և Սիրիայում տիրող իրավիճակին։
Էլեկտրոնային պատերազմի թուրքական համակարգերը լիովին խաթարել էին Ասադի ռեժիմի ռազմական հաղորդակցության ենթակառուցվածքը Սիրիայում։
Ֆիդանն ընդգծել է, որ Թուրքիան պատրաստ է աջակցություն ցուցաբերել Սիրիայի ժողովրդի կարիքները հոգալու գործին։
Հունական «Kathimerini» թերթը գրում է, որ Աթենքը նախապատրաստական աշխատանքներ է տանում դրա դեմ և պնդում, որ համաձայնագրի կնքմամբ Կիպրոսը կհայտնվի շրջափակման մեջ:
Թուրքական լրատվամիջոցները որոշ ուշագրավ տեղեկություններ են հայտնել Շիբանիի կենսագրության և գործունեության մասին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |