ԱՄՆ-ն մտադիր է Սիրիայի հարցում օգտվել թուրքական ռազմաօդային բազայից

Միջազգային08:06, 11 Հոկտեմբեր 2014

ԱՄՆ-ն մտադիր է Սիրիայի հարցում օգտվել թուրքական ռազմաօդային բազայից

Ամերիկայի Միացյալ Նահանգների (ԱՄՆ) պաշտպանության նախարար Չաք Հագելը, պատասխանելով լրագրողների հարցերին, անդրադարձել է նաև Թուրքիայի թեմային: Ինչպես հայտնում է թուրքական «Դողան» լրատվական գործակալությունը Հագելը պարզաբանել է, որ Սիրիայում գործողություններ իրականացնելու համար ԱՄՆ-ի ուզած ռազմական աջակցությունը Թուրքիայից Ինջիրլիքի ռազմաօդային բազան մուտքի թույլտվություն ստանալն է: Ըստ ԱՄՆ պաշտպանության նախարարի` մոտ օրերս Թուրքիայի ղեկավար մարմինների հետ հանդիպման ժամանակ ամերիկյան կողմն այդ հարցը բերելու է օրակարգային քննարկման:

Իսկ այն հարցին, թե արդյոք ԱՄՆ-ի համար ընդունելի է, որ Ակարան ակտիվորեն ջանում է թուրք-սիրիական սահմանի երկայնքով անվտանգության գոտի ստեղծել, Հագելը պատասխանել է. «Թուրքիան «Իսլամական պետություն» ահաբեկչական խմբավորման գրոհայինների դեմ պայքար մղելու բավականաչափ ռազմական ռեսուրս ունի: ԱՄՆ-ն էլ Սիրիային սահմանակից ռազմաօդային բազայից օգտվելու հնարավորություն է ցանկանում ստանալ»:

Ermenihaber.am