Քուրդ զինյալները վերադառնում են Թուրքիա

Միջազգային09:44, 11 Հոկտեմբեր 2014

Քուրդ զինյալները վերադառնում են Թուրքիա

«Քրդական համայնքների միության» (ՔՀՄ - KCK) գործադիր խորհրդի նախագահ Ջեմիլ Բայըքը Գերմանիայի հանրային հեռուստատեսությանը հայտնել է, որ քուրդ զինյլաները կրկին ուղարկվել են Թուրքիա: Քուրդ առաջնորդի հետ անցկացված հարցազրույցը հրապարակվել է նշյալ հեռուստաալիքի կայքում:

Ջեմիլը նշել է, որ եթե քրդաբնակ Քոբանիի ողբերգական դեպքերը շարունակվեն, ապա քուրդ ֆիդայական ուժերը պատերազմ կսկսեն` պաշտպանելու քուրդ ժողովդրին: Քոբանիում տեղի ունեցածի համար Բայըքը պատասխանատու է համարում նաև թուրքական իշխանություններին, որոնք 2 տարի շարունակ քրդական կարգավորման անպտուղ գործընթաց են վարում:

«Քանի որ կառավարությունը երկրի արևելյան և հարավ-արևելյան շրջաններում զորք է կուտակում, մենք էլ ենք գործի անցել. մենք էլ մեր զինված ուժերն ենք հետ ուղարկել Թուրքիա: Իրաքում և Սիրիայում ռազմական գործողություններ իրականացնելու մանդատ տված Թուրքիայի խորհրդարանի այդ քայլը, ըստ մեզ, նշանակում է պատերազմ հայտարարել: Եվ խոսքն իրականում բնավ չի գնում «Իսլամական պետություն» (ԻՊ) ահաբեկչական կազմակերպության մասին, այլ բացահայ պատերազմի մարտահրաբեր է «Քուրդիստանի բանվորակա կուսակցությանը» (ՔԲԿ-PKK)»,- ասել է Ջեմիլ Բայըքը:

Նշենք, որ նշենք, որ «ՔՀՄ»-ն համարվում է Թուրքիայում ահաբեկչական ճանաչված և արգելված «Քուրդիստանի բանվորական կուսակցության» (ՔԲԿ - PKK)-ի քաղաքացիական թևը: