Քաղաքական07:03, 31 Հոկտեմբեր 2014
Մահչուփյան. «Հայկական աշխարհի բազմաշերտությունը թեթևացնում է Թուրքիայի գործը»
Պոլսահայ գրող, լրագրող, հրապարակախոս Էթյեն
Մահչուփյանը վարչապետ Ահմեթ Դավութօղլուի գլխավոր խորհրդական նշանակվելուց հետո
առաջին անգամ հարցազրույց է տվել: Ինչպես տեղեկացնում է թուրքական «Աքշամ» պարբերականը,
Մահչուփյանը կարծում է, որ իշխող «Արդարություն և զարգացում» կուսակցությունը
(ԱԶԿ-AKP) ևս 10 տարի կղեկավարի, եթե 2015
թվականին կայանալիք խորհրդարանական ընտրությունների ժամանակ չպարտվի:
Խոսելով Հրանտ Դինքի դատավարության հարցում կառավարության դրսևորած վերաբերմունքի մասին՝ նա նշել է, որ դա հենց Թուրքիայի Հանրապետության դատն է: Այդ իսկ պատճառով ինքն էլ որպես հայ որոշել է չհետաքրքրվել այդ դատավարությամբ: «Այս դատը ինձ, որպես հայի, որևէ ասելիք չունի: Ինձ համար կարևոր չէ, 5 թե 55 մարդ կդատապարտեն: Այստեղ մեկ այլ առերեսման կարիք կա:
Եթե կուսկացությունը, կառավարությունը իր խղճի փնտրտուքների համար է ցանկանում դոսյեներ բացել և կրկին ուսումնասիրել, ապա դա թուրք հասարակության և իսլամական հատվածի խիղճը կթեթևացնի և իսկապես արժեքավոր կլինի: Սակայն եթե արվում է, իրավական պահանջներից և Եվրամիության ճնշումների պատճառով, ապա դա ինձ համար որևէ նշանակություն, իմաստ չունի»,- ասել է Մահչուփյանը:
Լրագրողի այն հարցին, թե որպես վարչապետի խորհրդական, 2015 թվականին Հայոց ցեղասպանության 100 ամյա տարելիցի հետ կապված ինչպիսի սպասելիքներ ունի, աշխարհում ինչ արձագանքների կլինեն և ինչ պետք է անի Թուրքիան, Մահչուփյանը նշել է, որ հայկական աշխարհը շատ բազմաշերտ է (Հայաստան, սփյուռք, Թուրքիայի հայ համայնք), ինչը թեթևացնում է Թուրքիայի գործը, սակայն միևնույն ժամանակ ավելացնում է պատասխանատվությունը:
Թուրքիայի գործը թեթևանում է, քանի որ մեկ ընդհանրական պահանջի դեմ հանդիման չի կանգնի: Իսկ պատասխանատվության ավելացման առումով Մահչուփյանը նշել է, որ ցանկության դեպքում Թուրքիան կարող է ոչինչ չանել, սակայն դա էլ ուշադրություն կգրավի: Ըստ նորանշանակ խորհրդական՝ դա ցույց կտա, որ Թուրքիան սեփական պատմության հետ առերեսվելու հարցում կասկածներ ունի:
Ermenihaber.am
Այս ենթաբաժնի վերջին նորությունները
Թուրքիայի նախագահը մեղադրել է Արևմուտքին միգրացիոն ճգնաժամ հրահրելու, բայց դրա պատասխանատվությունը չկիսելու մեջ:
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
«Ես քաղաքական հավակնություններ չունեմ: Ինձ հաճախ են հարցնում այս մասին, բայց ես կցանկանայի մնալ ոչ կառավարական հատվածում»։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Նշվում է, որ հանդիպմանը քննարկվել է Գազայում հումանիտար իրավիճակը և հրադադարի շուրջ բանակցություններում առկա վերջին զարգացումները։
Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»
«Ես քաղաքական հավակնություններ չունեմ: Ինձ հաճախ են հարցնում այս մասին, բայց ես կցանկանայի մնալ ոչ կառավարական հատվածում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |