ՄԱԿ. ԻՊ-ի ահաբեկիչների թիվն ամեն ամիս 1000-ով ավելանում է

Միջազգային10:07, 01 Նոյեմբեր 2014

ՄԱԿ. ԻՊ-ի ահաբեկիչների թիվն ամեն ամիս 1000-ով ավելանում է

Միացյալ ազգերի կազմակերպության (ՄԱԿ) զեկույցից հայտնի է դառնում, որ «Իսլամական պետություն» (ԻՊ) ահաբեկչական խմբավորման կազմում տարբեր պետություններից հավաքված գրոհայինների ընդհանուր թիվը կազմում է 15 հազար մարդ: Չնայած ԱՄՆ-ի գլխավորությամբ կոալիցիոն ուժերի ավիահարվածներին՝ ԻՊ-ին անդամակցող արտասահմանցի գրոհայինների թիվը վերջին ամիսների ընթացքում գնալով ավելանում է:

Թուրքական «Միլլիյեթ»-ի հաղորդմամբ՝ եթե մարտ ամսին ԻՊ-ի կազմում կռվող արտասահմանցի գրոհայինների թիվը կազմում էր 7 հազար, ապա հուլիսին նրանց թիվը հասել է 12 հազարի, իսկ հոկտեմբերին՝ 15 հազարի: Այսպիսով ստացվում է, որ ամեն ամիս նրանց թիվը ավելանում է 1000-ով: ԱՄՆ հետախուզության տվյալներով ԻՊ-ի կազմում մարտնչող գրոհայինների ընդհանուր թիվը հասնում է 30 հազարի:

ԱՄՆ հետախուզության աշխատակցի խոսքով այս պահին արտասահմանցի գրոհայինների թիվը կարող է հասած լինել 16 հազարի: Հաղորդվում է, որ կոալիցիոն ուժերի հարվածներից հետո ԻՊ-ի գրոհայինների թիվ ավելի արագ տեմպերով է աճում:
Washington Post-ն էլ, վկայակոչելով ԱՄՆ հետախուզությանը մոտ կանգնած իր աղբյուրներին, հաղորդել է, որ ԻՊ-ին իրենց կամքով գրոհայիններ են անդամագրվել ավելի քան 80 երկրից:

Ermenihaber.am