Հաագայի միջազգային դատարանը մերժել է քննության առնել «Մավի Մարմարայի» գործը

Իրավական15:12, 06 Նոյեմբեր 2014

Հաագայի միջազգային դատարանը մերժել է քննության առնել «Մավի Մարմարայի» գործը

Հաագայի միջազգային դատարանը մերժել է քննության առնել 2010 թվականին «Մավի Մարմարա» նավի վրա իսրայելական ուժայինների հարձակման հետևանքով զոհված 9 թուրք զինվորականների գործով Կոմորյան կղզիների կողմից ընդդեմ Իսրայելի ներկայացված հայցը: Այս մասին հայտնում է թուրքական «Միլլիյեթ» լրատվական կայքը՝ վկայակոչելով «Ռոյթերս» լրատվական ծառայությանը:

Հաղորդվում է, որ միջազգային քրեական դատարանում հայցը ներկայացվել է Կոմորյան կղզիների կողմից, քանի որ նավի վրա եղել է այդ երկրի դրոշը:

Հաագայի դատարանը իսրայելցի զինվորականների գործողություններում հանցակազմը չի բացառել, սակայն մերժել է հայցի դիտարկումը՝ հիմնավորելով, որ այդ գործը դուրս է միջազգային դատարանի իրավասություններից: Հիմնավորման մեջ ասվում է, որ տվյալ գործը այդքան մասշտաբային չէ Հաագայի միջազգային քրեական դատարանում քննարկվելու համար:

Կոմորյան կղզիների դրոշի ներքո հանդեսեկած թուրք փաստաբաններն ու հասարակական շրջանակները հայտարարել են, որ բողոքարկելու են Միջազգային դատարանի որոշումը

Հիշեցնենք, որ 2010 թ-ի մայիսի 31-ին միջազգային մարդասիրական նավաշարասյան կազմում Պաղեստինի Գազայի հատված օգնություն փոխադրող թուրքական «Մավի Մարմարա» նավի` բեռների ստուգում անցկացվելու վերաբերյալ Թել Ավիվի պահանջին չենթարկվելու պատճառով իսրայելցի զինվորների հարձակման հետևանքով նավի վրա 9 թուրք քաղաքացիներ են զոհվել:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։