Քաղաքական09:13, 06 Նոյեմբեր 2014
Օզերմանը վերահաստատում է, Ազնավուրը լռում է, Հայաստանի ԱԳՆ-ն չի մեկնաբանում լուսանկարները
Հայաստանի Հանրապետության ազգային հերոս, Շվեյցարիայում
ՀՀ դեպսան, աշխարհահռչակ երգիչ Շարլ Ազնավուրի անվան շուրջ վերջին օրերի
սկանդալային հրապարակումները շարունակվում են նոր զարգացումներով:
Նախ հիշեցնենք, որ թուրքական «Փոսթա» օրաթերթը, որը տպագրվում է 600.000 տպաքանակով, նոյեմբերի 2-ին հրապարակել էր Ազնավուրի հետ անցկացված հարցազրույցի մասին «Մոռացեք ձեր քենը» վերտառությամբ հոդված: Հոդվածի հեղինակ, թուրք պրոդյուսեր Էրքան Օզերմանը հայտնել էր նաև, որ Փարզիում Թուրքիայի դեսպանը Ազնավուրին «Ոսկե սոսի» մրցանակ է հանձնել` հրավիրելով նրան Թուրքիա համերգ տալու:
Թերթում և թերթի կայքում տեղ գտած հարցազրույցում այնպիսի խոսքեր են վերագրվում Ազնավուրին, ինչպիսիք են.
«Իմ մայրը թուրք է, երազանքս է գնալ Թուրքիա»:
«Հիմա Հայաստանը Թուրքիայի կարիքն ուն»:
«Ես դեսպան եմ, բայց անկախ եմ գործում»:
«Չեմ շարժվում Հայաստանից եկած հրահանգներով»:
ՀՀ արտաքին գործերի նախարարությունը 3 օր անց հերքում է տալիս. արտգործնախարարի մամուլի խոսնակ Տիգրան Բալայանը ֆեյսբուք սոցիալական ցանցում հետևյալ գրառումն է կատարում.
«Շար Ազնավուրը որևէ թուրքական թերթի հարցազրույց չի տվել և մրցանակ չի ընդունել»:
Թեմային անդրադարձած Ստամբուլի «Ագոս» թերթում հրապարակվել է «Հայաստանը չի ուզում հավատալ Ազնավուրին» հոդվածը, որտեղ նշվում է, որ Օզերմանը վերահաստատել է Ազնավուրի հետ Փարիզում հանդիպելու, զրուցելու և նրան մրցանակ հանձնելու փաստը: Օզերմանը «Ագոս»-ին պարզաբանել է, որ Ազնավուրին վերագրվող խոսքերն իրականում առաջին անգամ չեն, որ ասվում են: Իրենց հանդիպումների ժամանակ Ազնավուրը հաճախ է արտահայտել նմանատիպ մտքեր: Օզերմանը շեշտել է, որ իր հեղինակած հոդվածով նպատակ է ունեցել ոչ թե Ազնավուրին ներքաշել քաղաքական հարցերի մեջ, այլ ուղղակի ցույց տալ նրա մարդասիրական մտքերը:
«Օզերմանի տված պարզաբանումներից, Ազնավուրի պահպանած լռությունից հետո, հետաքրքությամբ սպասվում է, թե ինչ կանի Հայաստանի արտգործնախարարությունը»,- եզրափակում է «Ագոս»-ը:
Նշենք, որ Տիգրան Բալայանի վերոնշյալ հերքման մեջ անդրադարձ չկար Ազնավուրի հետ Օզերմանի, ինչպես նաև թուրք դեսպան Հաքքը Աքիլի հանդիպման, ճաշկերույթի և մրցանակի հանձնման լուսանկարներին, մինչդեռ թուրքական թերթը դրանք հրապարակել էր:
Ermenihaber.am
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Լիլիա Ամիրխանյանը Ermenihaber.am-ի հետ զրույցում նշել է, որ հայ-թուրքական սահմանի բացման հարցում տնտեսական էֆեկտները գնահատելու հետ կապված անորոշությունը շատ մեծ են։
Դահլիճում մեկը ոտքի է կանգնել և սկսել Թուրքիայի նախագահին մեղադրել երեսպաշտության մեջ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |