Հայուհու մասին թուրք գրողի «Արսինե» վեպն առաջարկվում է ներկայացնել Գրականության Նոբելյան մրցանակի

Մշակութային11:15, 07 Նոյեմբեր 2014

Հայուհու մասին թուրք գրողի «Արսինե» վեպն առաջարկվում է ներկայացնել Գրականության Նոբելյան մրցանակի

2012 թվականին գրի առնված «Արսինե» վեպը այլ տեսանկյունից է մոտենում Հայկական հարցին:
Բլոգեր Այջա Թուրքմենը, «Ռադիքալի» բլոգում ներկայացնելով գիրքը, գրում է, որ այն բոլորովին այլ տեսանկյունից է մոտենում հայ և թուրք ժողովուրդների հարյուրամյա խնդրին: Ըստ բլոգերի՝ գիրքը շարունակում է մեծ հետաքրքրությամբ ընդունվել հայ և թուրք ընթերցողների կողմից:

Թուրքմենի տեղեկացմամբ՝ մի շարք կազմակերպությունների, միությունների կողմից առաջարկվել է գիրքը 2015 թվականին ներկայացնել գրականության Նոբելյան մրցանակի:

Նրա կարծիքով «Արսինե» վեպը, որը գրվել է 107-ամյա հայ կնոջ պատմած փաստերի հիման վրա, Հայոց ցեղասպանության 100-րդ ամյակին շատ քննարկումների տեղիք կտա:

Թուրքիայում հայ և թուրք ժողովուրդների միջև առկա խնդիրը հիմնականում հիշատակվում է վեճերի ու մահվան մասին պատմություններով, իսկ «Արսինե» վեպը այդ խնդիրը ներկայացնում է սիրո մասին պատմության միջոցով:

Սամսունի նահանգի Քավաք գավառի Չաթլըջը գյուղում հայ (մայրը) և թուրք (հայրը) ծնողների աղջիկը՝ Արսինեն ամբողջ կյանքի ընթացքում կրած դժվարությունների պատճառով հրաժարվում է հայկական անունից և ընտրում Այշե անունը: Վեպի հեղինակը թուրք գրող Ալի Բայրամն է: Գիրքը գրվել է 2 տարվա ընթացքում:

Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։