Շարլ Ազնավուրը վիրավորած է թուրքական թերթի ստոր մեքենայությունից

Միջազգային08:35, 07 Նոյեմբեր 2014

Շարլ Ազնավուրը վիրավորած է թուրքական թերթի ստոր մեքենայությունից

Հայաստանի Հանրապետության ազգային հերոս, Շվեյցարիայում ՀՀ դեսպան, աշխարհահռչակ երգիչ Շարլ Ազնավուրն արձագանքել է իր անվան շուրջ թուրքական «Փոսթա» թերթի սկանդալային հրապարակմանը: Շանսոնյեն իր ֆեսյբուքյան պաշտոնական էջում պարզաբանում է տվել` ասելով.

«Je n’ai pas donné d’interview au journal "Posta”. Je suis offusqué par cette manipulation ignoble.»

«Ես որևէ հարցազրույց չեմ տվել թուրքական «Փոստա» թերթին։ Խորապես վիրավորված եմ այդ ստոր մեքենայությունից»:

Հիշեցնենք, որ վերոնշյալ թուրքական թերթը նոյեմբերի 2-ին հրապարակել էր «Մոռացեք ձեր քենը» վերտառությամբ հոդված, որտեղ հոդվածի հեղինակ, թուրք պրոդյուսեր Էրքան Օզերմանը նշում էր, թե Փարզիում Թուրքիայի դեսպանը Ազնավուրին «Ոսկե սոսի» մրցանակ է հանձնել` հրավիրելով նրան Թուրքիա համերգ տալու: Թերթում և թերթի կայքում տեղ գտած հարցազրույցում այնպիսի խոսքեր են վերագրվում Ազնավուրին, ինչպիսիք են.

«Իմ մայրը թուրք է, երազանքս է գնալ Թուրքիա»:

«Հիմա Հայաստանը Թուրքիայի կարիքն ուն»:

«Ես դեսպան եմ, բայց անկախ եմ գործում»:

«Չեմ շարժվում Հայաստանից եկած հրահանգներով»:

ՀՀ արտաքին գործերի նախարարությունը մամուլի Տիգրան Բալայանի միջոցով հերքում էր տվել` պնդելով, որ Ազնավուրը որևէ թուրքական թերթի հարցազրույց չի տվել և մրցանակ չի ընդունել, նա ընդունել է հուշանվեր:

Ermenihaber.am