Սամաթիայի գործով կասկածյալ Մուրադ Նազարյանը մեղսունակ է ճանաչվել

Իրավական14:15, 12 Նոյեմբեր 2014

Սամաթիայի գործով կասկածյալ Մուրադ Նազարյանը մեղսունակ է ճանաչվել

Ստամբուլի Սամաթիա թաղամասում սպանված հայազգի տարեց կնոջ՝ Մարիցա Քյուչուքի սպանության գործով Ստամբուլի ծանր հանցագործությունների 2-րդ դատարանում ընթացող դատավարության շրջանակներում կասկածյալ հայազգի Մուրադ Նազարյանը մեղսունակ է ճանաչվել: Այս մասին տեղեկացնում է թուրքական «Հաբեր 3» լրատվական կայքը:

Տեղի ունեցած դատական նիստին մասնակցել են գործով կասկածյալ Մուրադ Նազարյանը, սպանված Մարիցա Քյուչուքի երեխաներն ու փաստաբանները:

Դատարանի նախագահը հայտարարել է, որ արդեն պատրաստ է Նազարայանի հոգեկան առողջության վերաբերյալ դատաբժշկական փորձաքննության արդյունքները, որտեղ նշվում է, որ Նազարյանը հոգեպես առողջ է և լիովին մեղսունակ:

Քյուչուք ընտաիքի փաստաբանը, նշելով, որ Քյուչուքի սպանության հետ գրեթե միաժամանակ ծեծի է ենթարկվել Թուրքանդա Աշըք անունով մի քաղաքացի, պահանջել է, որ այդ գործով քննություն սկսվի, քանի որ իրենք հիմքեր ունեն մտածելու, որ դեպքը տեղի է ունեցել Նազարյանի և այլոց մասնակցությամբ:

Բացի այդ փաստաբան Քեսքինը պահանջել է փորձաքննությամբ պարզել, թե արդյոք Մարիցա Քյուչուքին պատկանած սպիտակ սավանի վրայի արյան հետքը Նազարյանինն է: Արյան հետքի ուսումնասիրության պահանջն ընդունվել է դատարանի կողմից: Դատարանի որոշմամբ սավանը նոր փորձաքննության կենթարկվի պարզելու համար մյուս երկու արյան հետքերի տերերի ինքնությունը:

Ավելի վաղ դատաբժշկական փորձաքննությունից պարզ էր դարձել, որ սավանի վրա կա իրար խառնված երեք տեսակի արյան հետքեր, որոնցից մեկը եղել է սպանված Մարիցա Քյուչուքինը:

Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։